ەير استانا باعالارى ورتا ەسەپپەن 30 -40 پايىزعا وسكەن
بۇل تۋرالى قازاقپارات اگەنتتىگىنىڭ رەسمي ساۋالىنا ق ر ۇ ە م تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنەن حابارلاندى. «ق ر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى «ەير استانا» ا ق اۆيابيلەتتەرىنە كوتەرىڭكى باعاعا تۇسكەن شاعىمدار نەگىزىندە مونوپوليالىق جوعارى باعا بەلگىلەۋدەن كورىنەتىن مونوپوليالىق نەمەسە ۇستەم جاعدايدى تەرىس پايدالانۋ بولىگىندە باسەكەلەستىكتى قورعاۋ سالاسىنداعى زاڭنامانى بۇزۋ مانىنە تەرگەپ- تەكسەرۋ جۇرگىزۋدە»، - دەپ اتاپ وتىلگەن كوميتەت مالىمەتىندە.
اتاپ ايتقاندا، 2015 -جىلعى 5 -قازاننان باستاپ بۇرىن رەتتەلەتىن نارىقتارعا جاتقان جولاۋشىلار اۆياتاسىمالى نارىعى مەملەكەتتىك رەتتەۋدەن بوساتىلدى. «باعالار سەرپىنىن جانە اۆياتاسىمالدار كولەمىن تالداۋ قورىتىندىلارى بويىنشا «ەير استانا» ا ق تۇراقتى ىشكى اۆياتاسىمالداردا ۇستەم جاعدايدا ەكەنى جانە ونىڭ باعالارى باسقا اۆياكومپانيالارعا قاراعاندا جوعارى ەكەنى انىقتالدى. وسى ورايدا ولار 2015 -جىلى مەملەكەتتىك باعانى رەتتەۋمەن قامتىلعان كەزەڭدە قولدانىستا بولعان ورتاشا تاريفتەر 2016 -جىلدىڭ تاريفتەرىمەن سالىستىرىلدى.
ناتيجەسىندە، «ەير استانا» ا ق تاريفتەرى ورتا ەسەپپەن 30 - 40 پايىزعا وسكەنى انىقتالدى. قازىرگى ۋاقىتتا «ە ير استانا» ا ق قاتىستى تەرگەپ- تەكسەرۋ جالعاسۋدا»، - دەيدى كوميتەت وكىلدەرى. 2016 -جىلعى 8 -قاراشادا ۇكىمەت وتىرىسىنان كەيىنگى باسپا ءسوز ءماسليحاتىندا ق ر ۇلتتىق ەكونوميكا ءمينيسترى قۋاندىق بيشىمبايەۆ وسىعان ۇقساس سۇراققا جاۋاپ بەرە وتىرىپ، «سامۇرىق- قازىنا» قورى باسشىلىعىمەن كەڭەس وتكىزىلىپ، ونىڭ قورىتىندىسى بويىنشا جاقىن ارادا بارلىق قۇجاتتاردى ۇسىنۋ تۋرالى كەلىسىلگەنىن اتاپ ءوتتى.
سونداي-اق، باسپا ءسوز ءماسليحاتى بارىسىندا ۇ ە م تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ءتوراعاسى سەرىك جۇمانعارين ۆەدومستۆو اۆياكومپانيانىڭ ەسەپ ساياساتىندا بار قۇجاتتار تۋرالى سۇراۋ سالۋ جىبەرگەنىن قوسىمشا حابارلادى. اۆياكومپانيانىڭ ۇسىنۋ ءۇشىن بەس كۇنى بار، قۇجاتتاردى العاننان كەيىن باعالار سالىستىرىلادى، ەسەپ جاسالادى جانە شەشىم قابىلدانادى.
بۇدان بۇرىن حابارلانعانداي، اۋە تاسىمالداۋ قىزمەتتەرىنىڭ مونوپوليالىق جوعارى باعاسىن تەكسەرۋدىڭ باسىنان بەرى انتيمونوپوليالىق ورگان «ەير استانا» ا ق اۋە كومپانياسىنا قۇجاتتار مەن اقپاراتتاردى كورسەتۋ تۋرالى 3 ساۋال جىبەرگەن. ولاردىڭ كەيبىرىنە جاۋاپ بەرىلمەگەن نەمەسە جارتىلاي عانا جاۋاپ بەرىلگەن.
«وسىعان وراي، مونوپولياعا قارسى ورگاننىڭ تەرگەپ- تەكسەرۋ جۇرگىزىپ جاتقان لاۋازىمدى ادامدارى، جۇرگىزىلىپ جاتقان تەرگەپ- تەكسەرۋ شەڭبەرىندە 30 قىركۇيەكتەگى جانە 6 قازانداعى سۇراتىلعان اقپاراتتى ۇسىنباعانى/اقپاراتتى تولىق كولەمە ۇسىنباعانى ءۇشىن «ەير استانا» اق قاتىستى اكىمشىلىك ىستەر قوزعادى»، - دەلىنگەن حابارلامادا.
