قانات يسلام «30 جىل 30 ەسىم» ۇلتتىق جۇلدەسى ۇمىتكەرلەرى قاتارىنا ەندى

كورپوراتسيا باسپا ءسوز قىزمەتىنىڭ مالىمەتىنشە، تەلەۆيزيالىق جۇلدە سوڭعى 30 جىلدا ءار سالادا جەتىستىككە جەتكەن بىرەگەي تۇلعالارعا تابىستالادى. ءار اتالىم بويىنشا 5 ۇمىتكەر ساراپشىلاردان قۇرالعان ارنايى كوميسسيا شەشىممەن ىرىكتەلىپ، داۋىس بەرۋگە شىعارىلدى.

تەلەراديوكورپوراتسيانىڭ رەسمي سايتىنداعى جالپىحالىقتىق داۋىس بەرۋ 30- قاراشاعا دەيىن جالعاسادى.

بايقاۋ:

- مەديتسينا جانە دەنساۋلىق ساقتاۋ سالاسىنا قوسقان ۇلەسى ءۇشىن؛

- قوعامدىق بەلسەندىلىگى ءۇشىن؛

- مادەنيەت سالاسىنا سىڭىرگەن ەڭبەگى ءۇشىن؛ - كينو سالاسىنا قوسقان ۇلەسى ءۇشىن؛ - سپورت سالاسىنداعى جەتىستىكتەرى ءۇشىن؛

- عىلىمنىڭ دامۋىنا قوسقان ۇلەسى ءۇشىن؛

- ءبىلىم سالاسىنىڭ دامۋىنا قوسقان ۇلەسى ءۇشىن؛

- اۋىل شارۋاشىلىعى جانە اگرووندىرىس سالاسىنا قوسقان ۇلەسى ءۇشىن؛

- ءداستۇرلى ونەردىڭ دامۋىنا قوسقان ۇلەسى ءۇشىن؛

- «ادەبيەت» اتالىمدارى بويىنشا وتەدى.

ۇلتتىق جۇلدەگە ۇمىتكەرلەر اراسىندا قوعام قايراتكەرى اسىلى وسمان، مەديتسينا عىلىمدارىنىڭ دوكتورى، اكادەميك سەرىك اقشولاقوۆ، ءانشى ديماش قۇدايبەرگەن، كينو رەجيسسەرى اقان ساتايەۆ، كاسىپقوي بوكسشى، بەيجىڭ وليمپياداسىنىڭ قولا جۇلدەگەرى قانات يسلام، ءبىلىم بەرۋ ءىسىنىڭ ۇزدىگى اياگۇل ميرازوۆا، اقىن، مەملەكەتتىك سىيلىقتىڭ لاۋرەاتى ۇلىقبەك ەسداۋلەت بار.

داۋىس سانى ارقىلى قازاقستاندىقتاردىڭ كەڭ قولداۋىنا يە بولعان جەڭىمپازدار 16- جەلتوقسان - تاۋەلسىزدىك قارساڭىندا وتەتىن ارنايى كەشتە ماراپاتتالادى.

ۇمىتكەرلەرگە مىنا سىلتەمە ارقىلى داۋىس بەرۋگە بولادى: https://vote.kaztrk.kz/

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى