سولتۇستىك قازاقستاندا كوروناۆيرۋس جۇقتىرعان 30 ناۋقاستىڭ 25 ءى ساۋىعىپ كەتكەن

قازىر جۇقپالى اۋرۋلار بولىمشەسىندە وبلىس بويىنشا COVID-19-دان تەك 4 ادام عانا ەم قابىلداپ جاتىر، دەپ حابارلايدى قازاقپارات ءتىلشىسى.

بۇگىن س ق و اكىمىنىڭ ورىنباسارى رۋسلان الىشيەۆ كەزەكتى بريفينگ وتكىزىپ، قاۋىپتى ىندەتتىڭ تارالماۋى ءۇشىن اتقارىلىپ جاتقان جۇمىستارمەن تانىستىردى. وبلىستا كوروناۆيرۋستان ەم الىپ جاتقانداردىڭ تورتەۋى دە قاۋىپتى ينفەكسيانى شەتتەن: ەكەۋى - لوندوننان، قالعان ەكەۋى - رەسەيدەن جۇقتىرىپ كەلگەندەر.

«وبلىسقا شەتتەن كەلگەندەر بىردەن تەكسەرىلىپ، تالداۋ الىنادى، بىردەن كارانتيندىك ستاتسيونارعا الىنادى. ينفەكسيا انىقتالعان جاعدايدا جۇقپالى اۋرۋلار ستاتسيونارىنا جاتقىزىلادى. تەرىس ناتيجە كورسەتكەن جاعدايدا 14 كۇنگە ءۇي كارانتينىنە جىبەرىلەدى. سول سەبەپتى قاۋىپتەنۋگە نەگىز جوق»، - دەيدى رۋسلان الىشيەۆ.

جالپى وبلىستا 44 بلوكپوست ورنالاسسا، سونىڭ بەسەۋى پەتروپاۆلدا. ول جەردە پوليتسيانىڭ 195 قىزمەتكەرى، 97 دارىگەر جانە 32 سانيتارلىق، ۆەتەرينارلىق ماماندار جۇمىس ىستەيدى. بۇدان باسقا وڭىردە پوليتسيانىڭ 50 قىزمەتكەرى كەزەكشىلىك ەتەتىن 13 سانيتارلىق پوست اشىلعان. س ق و- دا COVID-19 ينفەكتسياسىن جۇقتىرعانداردىڭ % 86 ءتاۋىر بولدى. ياعني، بۇعان دەيىن 30 دەرەك تىركەلسە، 25 ادام جازىلىپ شىقتى. بىرەۋى اقمولا وبلىسىندا، قالعان تورتەۋى پەتروپاۆلدا ينفەكتسيالىق ستاتسيوناردا ەم الىپ جاتىر.

«پروۆيزورلىق ستاتسيونارلاردا 4 ادام قالدى، بۇل - ازىرلەگەن ورىنداردىڭ شامامەن % 3 عانا، كارانتيندىك ستاتسيونارلاردا 51 ادام جاتىر. الدىن الا جاراقتاندىرىلعان ورىنداردىڭ تەك % 5 عانا پايدالانىلىپ جاتىر. ال ءۇي كارانتينىندە 679 تۇرعىن وتىر»، - دەدى وبلىس اكىمىنىڭ ورىنباسارى.

اۆتور: اقەركە داۋرەنبەك قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى