قازاقستان ايرىقشا باسەكەگە قابىلەتتى الەمنىڭ 30 ەلىنىڭ قاتارىنا 2035-جىلعا قاراي ەنۋگە قاۋقارلى

بۇل تۋرالى بۇگىن قازاقستانداعى يندۋستريالاندىرۋ جونىندەگى كونفەرەنتسيادا «قازاقستاندىق يندۋستريانى دامىتۋ ينستيتۋتى» ا ق باسقارما ءتوراعاسى ايدىن قۇلسەيىتوۆ ءمالىم ەتتى.

«ءبىزدىڭ ەسەپتەۋلەر بويىنشا، ەگەر يندۋستريالاندىرۋ يدەولوگياسى شىن مانىندە ۇلتتىق يدەياعا اينالسا، وندا وڭدەۋشى سەكتور بويىنشا ەڭ باسەكەگە قابىلەتتى 30 ەلدىڭ قاتارىنا 2035-جىلعا قاراي ەنەمىز»، - دەدى ا. قۇلسەيىتوۆ.

وسى ورايدا ءبىرىنشى بەسجىلدىقتىڭ ماقساتى بارىنشا كوپ زاۋىتتاردى ىسكە قوسىپ، ەكونوميكانى ءارتاراپتاندىرۋعا، سونداي-اق ەكونوميكا قۇرىلىمىندا باسەكەگە قابىلەتتىلىكتى ارتتىرۋعا نەگىزدەلگەنىن ءتۇسىندىرىپ ءوتتى.

«ەكىنشى بەسجىلدىقتىڭ ماقساتى يندۋسترياسىزداندىرۋ ۇدەرىسىن توقتاتۋعا ارنالعان. بۇل باستى مىندەت بولدى. سونىمەن قاتار وڭدەۋشى ونەركاسىپ ماڭىزدىلىعىن تومەندەتكەن ترەندتەردى تەجەۋ نازارعا الىندى. اتاپ ايتقاندا، بۇل شارالارعا قول جەتكىزىلدى»، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى