عارىشقا ۇشۋ بيلەتىنىڭ قۇنى 3,8 ميلليون دوللاردان استى

Amazon-نىڭ نەگىزىن قالاۋشىمەن ءبىر كەمەدەگى ورىن ءۇشىن اۋكسيونعا الەمنىڭ 143 ەلىنەن 6 مىڭ ۇمىتكەر قاتىستى.

Blue Origin اەروعارىش كومپانياسى 2020-جىلدىڭ 20- شىلدەسىندە بولاتىن New Shepard-تىڭ ەكيپاجبەن العاشقى سۋبوربيتالدى ساپارىنداعى ورىن ءۇشىن وتىنىشتەردى قابىلدايتىنىن حابارلادى.

وتىنىشتەر قابىلداۋدىڭ تىكەلەي ترانسلياتسياسى كومپانيا سايتىندا جۇرگىزىلۋدە.

اۋكسيونعا قاتىسۋ ءۇشىن وتىنىشتەردى قابىلداۋ 10- ماۋسىم كۇنى 17.00 دە (شىعىس-ەۋروپالىق ۋاقىت بويىنشا) جابىلادى.

اۋكسيون جەڭىمپازى بەزوس جانە ونىڭ ءىنىسى ماركپەن باتىس تەحاستاعى Blue Origin عارىش ايلاعىندا ءۇش كۇندىك دايىندىقتان وتكەننەن كەيىن عارىشقا ۇشادى.

Blue Origin ۇيىمداستىرىپ وتىرعان بۇل ساپار New Shepard عارىش كەمەسىنىڭ بورتىندا ادامداردىڭ العاشقى ۇشۋى بولاتىنىن اتاپ ءوتۋ كەرەك.

New Shepard كەمەسى ىشىندە جولاۋشىلار بار كاپسۋلانى وربيتاعا شىعارادى. ول جەردە ادامدار سالماقسىزدىق كۇيىندە 10 مينۋت بولادى، جەردەن 104 كيلومەتر بيىكتىكتەگى كورىنىستى تاماشالايدى. ءبىر ساپاردىڭ ۇزاقتىعى 40 مينۋتقا سوزىلماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى