جاپونياداعى اۋكسيوندا جەمىستىڭ ەكى داناسى 3,7 مىڭ دوللارعا ساتىلدى

ءباسساۋدا ەلدىڭ وڭتۇستىگىندەگى ميادزاكي قالاسىندا وتكەن. لوتقا سىرتقى قابىعى اشىق- القىزىل ءتۇستى، قۇرامىندا 15 پايىز قانت بار، سالماعى 350 گرامم تارتاتىن جەمىستەر قويىلدى. مانگونىڭ جالپى سالماعى ءبىر كەلىدەن اساتىن ەكى داناسىن فۋكۋوكا قالاسىنداعى امبەباپ دۇكەننىڭ يەسى ساتىپ الدى.

ونىڭ ايتۋىنشا، جەمىستى ساۋدا مەكەمەسىن جارنامالاۋ ءۇشىن ۆيتريناعا قويماق. مۇنداي اۋكسيوندار جاپونيادا ۇدايى بولىپ تۇرادى. 2016 -جىلى مامىر ايىندا ساپپورو قالاسىندا ەلگە كەڭىنەن تانىمال يۋباري سۇرىپتى ەكى قاۋىن رەكوردتى سوماعا - 1,6 ميلليون يەناعا (16 مىڭ دوللاردان استام) ساتىلعان ەدى.

ايتا كەتكەن ءجون، مانگونى - تروپيكالىق جەمىستەردىڭ پاتشاسى دەپ ەسەپتەيدى. ءارى ەڭ ءتاتتىسى دە، ءدامدىسى دە. مانگو ءسوزىن سانسكريت تىلىنەن اۋدارعاندا «ۇلى جەمىس» دەگەن ماعىنانى بىلدىرەدى. جەمىس وسىدان 4000 جىل ءۇندى جەرىندە وسكەن. سودان دا شىعار، مانگو ۇندىستەردىڭ ۇلتتىق جەمىسى سانالادى. بۇگىنگى تاڭدا ازيا قۇرلىعىنداعى بىرنەشە ەلدە، اتاپ ايتقاندا فيليپپين، تايلاند، ءتىپتى افريكادا دا وسىناۋ ماڭگى جاسىل بولىپ تۇراتىن جەمىس اعاشى ءوسىپ تۇر. ونىڭ قۇرامىنداعى ا دارۋمەنى ادامنىڭ بويىنا كۇش قۇيادى. سونداي-اق س دارۋمەنى مەن كاليدىڭ دە مولشەرى بارشىلىق.

اۆتور: ەرلان قوجاكەلديەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى