ماسكەۋدە قازاقستاندىق پرانكەرلەر 3,5 جىلعا باس بوستاندىعىنان ايىرىلدى - ۆيدەو
سوت ۇكىمى شىققاندا ايىپتالۋشىلاردىڭ جاقىندارى جىلاپ جىبەردى.
قىزداردىڭ رەاكسياسى تۇسىرىلگەن ۆيدەونى SHOT Тelegram-ارناسى جاريالادى، - دەپ حابارلايدى Tengrinews.kz ءتىلشىسى.
«جانىم، ءبارى جاقسى بولادى، سەنشى، جاراي ما؟ مەن سەنى قاتتى جاقسى كورەمىن، كۇتەمىن»، - دەيدى قىزداردىڭ ءبىرى سۇيىكتىسىنە.
«ءبارى جاقسى بولادى. بەكەم بول»، - دەيدى قىزدار جىگىتتەرىنە.
ايتا كەتەيىك، 25-قاراشادا ماسكەۋدە سوت قازاقستاندىق بلوگەرلەر رامير حاسانوۆ، ايدىن ءتۇسىپوۆ جانە ەرسىن دۇمشەبايدى تاكسيدى ايداپ اكەتۋگە قاتىستى پرانك جاساعانى ءۇشىن باس بوستاندىعىنان ايىردى.
2021 -جىلعى ناۋرىزدا جاستار «موسكۆا-سيتي» ساۋدا ورتالىعىنا پرەميۋم تاكسي شاقىرعان. قۇنى 3,5 ميلليون رۋبلدەن اساتىن كولىك تاپسىرىس بەرىلگەن ورىنعا كەلگەن. جۇرگىزۋشى ولاردىڭ ءوتىنىشى بويىنشا سومكەلەردى جۇكسالعىشقا سالىپ جاتقاندا، ايىپتالۋشىلاردىڭ ءبىرى جولاۋشى ورىندىعىنا وتىرعان، ەكىنشىسى كولىك تىزگىنىنە وتىرىپ، كەتىپ قالعان.
ءۇشىنشىسى كەتىپ بارا جاتقان شەتەلدىك كولىكتى جانە كولىك يەسىنىڭ رەاكسياسىن ءتۇسىرىپ العان. بىرنەشە مينۋتتان كەيىن كۇدىكتىلەر قايتىپ كەلىپ، جۇرگىزۋشىگە وسىلايشا پرانك جاساعانىن تۇسىندىرگەن. سول كۇنى قازاقستاندىقتار ۇستالدى، ءتارتىپ ساقشىلارى قىلمىستىق ءىس قوزعادى.
