الماتىدا كارانتين رەجيمىن بۇزعاندارعا 3,5 ميلليون تەڭگەگە ايىپپۇل سالىندى
تالاپتى بۇزۋعا قاتىستى 7 فاكت بويىنشا ماتەريالدار سوتقا بەرىلدى، دەپ حابارلايدى قازاقپارات ءتىلشىسى.
الماتىدا 32 مونيتورينگ توپ كۇشەيتىلگەن جۇمىستى جالعاستىرۋدا. 1-19- قاڭتار ارالىعىندا 221 مونيتورينگ شارالارى جۇرگىزىلدى، ونىڭ بارىسىندا 1634 نىسان قامتىلدى. سونىڭ ناتيجەسىندە كارانتين شارالارىن بۇزۋدىڭ 60 فاكتىسى انىقتالدى.
مونيتورينگ توپتارى تەكسەرۋ ناتيجەسىندە كەلەسى شارالار قابىلداندى:
كارانتين شەكتەۋىن بۇزعانى ءۇشىن اكىمشىلىك قۇقىقبۇزۋشىلىق جونىندە 35 حاتتاما تولتىرىلدى، ونىڭ ىشىندە زاڭدى تۇلعالارعا - 2610715 تەڭگە بولاتىن 15 حاتتاما، جەكە تۇلعالارعا بەتپەردە رەجيمىن بۇزعانى ءۇشىن - 875100 تەڭگە سوماسىنا 25 حاتتاما تولتىرىلدى.
كەمشىلىك بىرنەشە مارتە قايتالانعان مەكەمە بويىنشا 7 ماتەريال سوتقا بەرىلدى.
الماتى قالاسىنىڭ مامانداندىرىلعان اۋدانارالىق اكىمشىلىك سوتىنا اۋداندار بويىنشا تومەندەگىدەي ماتەريالدار جىبەرىلدى:
- الاتاۋ اۋدانى - 3 ماتەريال: «جاقسىلىق» ءدامحاناسى، «سەنتر شاشلىكا» ءدامحاناسى، «پارۆاز» ءدامحاناسى ( قىزمەتى 1 ايعا توقتاتىلدى، ايىپپۇل-100 ا ە ك)؛
- المالى اۋدانى بويىنشا -1 ماتەريال «فينيك» مەيرامحاناسى؛
- جەتىسۋ اۋدانى بويىنشا - نيازوۆ ج. ا. كومپيۋتەرلىك كلۋبىنا 1 ماتەريال؛
- ناۋرىزباي اۋدانى بويىنشا - 2 ماتەريال:
«پرەمەرا» ءدامحاناسى، «تاۋجولى» ءدامحاناسى (قىزمەتىن 1 ايعا توقتاتۋ، ايىپپۇل-100 ا ە ك).
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابىلوۆ قوعامدىق كولىكتە الەۋمەتتىك قاشىق پەن بەتپەردە رەجيمىن ساقتاۋدىڭ ماڭىزدىلىعىن اتاپ ءوتتى.
«قوعامدىق كولىكتە بەتپەردە كيمەگەن جەكە تۇلعالارعا 30 ا ە ك مولشەرىندە ايىپپۇل، ال تاسىمالداۋشىلارعا شاعىن، ورتا نەمەسە ءىرى بيزنەسكە تيەسىلىگىنە قاراي ايىپپۇل 230 ا ە ك - تەن 1600 ا ە ك- كە دەيىن جەتەدى»، - دەدى س. بايعابىلوۆ.
ەستەرىڭىزگە سالا كەتەيىك، مەگاپوليستە 1- قاڭتاردان باستاپ كوروناۆيرۋس ينفەكتسياسىن جۇقتىرعاندار قاتارى كۇن سايىن ءوسىپ بارادى. بۇگىنگى كۇنى 20 مىڭنان استام جاعداي تىركەلىپ، الماتى قالاسى «سارى ايماققا» ەندى.
