ومبى- مايقاپشاعاي جولى 3,5 جىلدا جوندەلىپ بىتەدى

ال قىتاي مەن رەسەيدىڭ اراسىن جالعايتىن ومبى- مايقاپشاعاي جولى 3,5 جىلدا تولىق جوندەۋدەن وتەدى، دەپ حابارلايدى قازاقپارات ءتىلشىسى.

حالىقارالىق ماڭىزعا يە ومبى- مايقاپشاعاي تاسجولىنا اتالمىش مينيسترلىك اسا ماڭىزدى لوگيستيكالىق نىسان رەتىندە قاراپ وتىر. جەڭىس قاسىمبەك وعان باتىس قىتاي- باتىس ەۋروپا دالىزىنەن كەيىنگى ماڭىزعا يە جول دەگەن باعا بەردى. ءمينيستردىڭ ايتۋىنشا، بۇل جول الداعى 3,5 جىلدىڭ ىشىندە تولىقتاي كۇردەلى جوندەۋدەن ءوتىپ، قىتاي مەن رەسەي اراسىن جالعايتىن ۇلكەن قاتىناس دالىزىنە اينالماق.

«شىعىس قازاقستان - ترانزيتتىك ايماق. ومبى- مايقاپشاعاي جولى قىتايدى رەسەي ارقىلى ەۋروپامەن جالعايتىن ءدالىزدىڭ ءبىرى. ەلىمىزدە «باتىس قىتاي- باتىس ەۋروپا» اتتى ۇلكەن ءدالىز سالىنىپ جاتقانىن بىلەسىزدەر. ءبىزدىڭ ەل مۇحيتقا شىعا الماعانىمەن، اۋقىمدى ترانزيتتىك الەۋەتكە يە. ويتكەنى قىتاي مەن ەۋروپانىڭ ورتاسىندا جاتىرمىز. مۇنداي مۇمكىندىكتى پايدالانباۋ كۇنا»، - دەدى مينيستر.

 ءمينيستردىڭ ايتۋىنشا، ومبى- مايقاپشاعاي جولىنىڭ جوندەلۋى ونىڭ بويىنداعى ەلدى مەكەندەردىڭ جاندانۋىنا تۇرتكى بولماق. سەرۆيستىك ورتالىقتار مەن موتەلدەردىڭ اشىلۋى قوسىمشا جۇمىس ورىندارىنىڭ پايدا بولۋىنا تۇرتكى بولماق.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى