الماتىدا 3-4 باللدىق جەر سىلكىنىسى بولدى
بۇل دەرەكتى ق ر سەيسميكالىق ستانساسىنىڭ جەلىسى تىركەدى.
ءدۇمپۋدىڭ كىندىگى - الماتىدان وڭتۇستىككە قاراي 129 شاقىرىم قاشىقتىقتا قىرعىزستان تەرريتورياسىندا.
«تەربەلىستىڭ ەنەرگەتيكالىق كلاسى - 9.7. ماگنيتۋداسى - MPV 4.2. تەرەڭدىگى - 20 شاقىرىم»، - دەلىنگەن حابارلامادا.
ق ر ت ج م باسپا ءسوز قىزمەتىنىڭ اقپاراتىنا سايكەس، الماتى قالالىق اكىمدىگى مەن ت ج د قىزمەتكەرلەرىنەن شتاب قۇرىلدى. قازىر سەيسميكالىق بەلسەندى اۋدانداردا عيماراتتاردىڭ بۇتىندىگى تەكسەرىلۋدە. الماتى تۇرعىندارىنىڭ ءومىرى مەن دەنساۋلىعىنا ءتونىپ تۇرعان ءقاۋىپ جوق.
قازىر ق ر-نىڭ سەيسميكالىق ستانساسىنىڭ جەلىسى قايتالاما تەربەلىستەردى تىركەۋدە.
اۆتور: گۇلميرا عوسمانالي
