اتىراۋ كوشەلەرىمەن تەڭىزگە ارنالعان بيىكتىگى 3-قاباتتى ۇيمەن تەڭ 300 توننا جۇك ءوتىپ بارادى - فوتو
«بۇل قوندىرعى تەڭىزدەگى اتالمىش زاۋىتتىڭ قۋاتتىلىعىن جانە سەنىمدىلىگىن ارتتىرادى. يتاليادا جاسالعان جابدىق تەڭىز ارقىلى رەسەيگە، ۆولگا-بالتىق كانالىمەن استراحانعا، ودان كەيىن ارنايى بارجامەن اتىراۋ پورتىنا جەتكىزىلدى»، - دەپ حابارلادى «تەڭىزشيەۆرويل» ج ش س قوعاممەن بايلانىس ءبولىمى ديرەكتورىنىڭ ورىنباسارى دەۆيد ماككينز.
بيىكتىگى ءۇشقاباتتى ۇيمەن تەڭ جۇك اتىراۋدىڭ ورتالىق كوشەلەرىمەن جايلاپ ءوتىپ بارادى. باعىت الدىنالا جەرگىلىكتى بيلىكپەن جانە كوممۋنالدىق قىزمەت ورىندارىمەن كەلىسىلگەن.
اسا اۋىر جۇكتىڭ جول توسەمىنە زيانىن كەلتىرمەۋ ماقساتىندا ارنايى جاراقتاندىرىلعان تەحنيكا دايىندالدى. بۇعان قوسا ونداعان ارنايى كولىكتەر جول بويىندا كەزدەسەتىن كوپتەگەن ەلەكتر سىمدارىن، كابەلدەردى كوتەرۋمەن نەمەسە الىپ تاستاۋمەن شۇعىلدانۋدا. ەگەر جۇك جولىندا قۇبىرلار كەزدەسەتىن بولسا، ولاردىڭ ۇستىنە ۇلكەن مەتال قاپتىرمالار توسەلۋدە.
«اتىراۋدان تەڭىز كەنىشىنە دەيىن 290 شاقىرىم، قوندىرعى شامامەن ەكى اپتادا جەتكىزىلەدى»، - دەپ ءمالىم ەتتى د. ماككينز.
