قىزىلوردادا ءبىر توپ ادام اراسىنداعى اتىستان 3 ادام كوز جۇمىپ، 2 ادام جاراقات العان
الەۋمەتتىك جەلى بەتتەرىندە وقيعانىڭ 7-مامىردا ساعات 19.45-تە بولعانى، ودان 3 ادام كوز جۇمىپ، 2 ادام جاراقات العانى ايتىلدى.
«قىزىلوردا قالاسىندا بولعان اتىس وقيعاسى سوتقا دەيىنگى تەرگەپ-تەكسەرۋ ءبىرىڭعاي تىزىلىمىنە ق ر قىلمىستىق كودەكسىنىڭ 99-بابىنىڭ 2-بولىگىمەن تىركەلدى. ول بويىنشا ءتيىستى ساراپتامالار تاعايىندالىپ، تەرگەپ-تەكسەرۋ ارەكەتتەرى جۇرگىزىلۋدە. باسقا اقپارات تەرگەۋ مۇددەسىنە بايلانىستى قىلمىستىق-پروتسەستىك كودەكستىڭ 201-بابىنىڭ تالاپتارىنا سايكەس جاريا ەتىلمەيدى»، - دەپ جازىلعان وبلىستىق پوليتسيا دەپارتامەنتى تاراتقان حابارلامادا.
