ءبىرىنشى كۇننىڭ قورىتىندىسى بويىنشا «استانا ارلاندارى» 3:2 ەسەبىمەن العا شاقتى - كەسكىن

 شارشى الاڭداعى العاشقى كەزدەسۋدىڭ شىمىلدىعىن 49 كەلى سالماقتاعى تەمىرتاس ءجۇسىپوۆ پەن يوانيس وسكار اشىپ، جەرلەسىمىز كۋبالىقتى بەت قاراتپاي ۇتتى. ءسويتىپ، اقتىق ايقاستىڭ العاشقى كەزدەسۋىن جەڭىسپەن باستاعان «ارلاندار» ءبىرىنشى كۇننىڭ جالپى قورىتىندىسىن ءوز پايداسىنا شەشە العان ەدى. تەمىرتاستىڭ جەڭىسىن كوماندا كاپيتانى سامات باشەنوۆ پەن جاس «ارلان» مەيىرىم نۇرسۇلتان دا قايتالاعان. الايدا 56 كەلى سالماق دارەجەسىندەگى قايرات ەراليەۆ اككى كۋبالىقتىڭ وسال تۇسىن تابا الماسا، تورەشىلەردىڭ شەشىمىمەن 91 كەلىدەگى قازاقستاندىق بوكسشى ۆاسيلي ليەۆيت يەريسلاندي ساۆون كوتيللادان جەڭىلىپ قالدى.

فينالدىق كەزدەسۋدىڭ جەكپە-جەكتەرى ەرتەڭ دە استاناداعى «داۋلەت» سپورت كەشەنىندە جالعاسادى. بۇل كۇنى تاعى بەس سالماق دارەجەسى بويىنشا قازاقستان مەن بوستاندىق ارالىنىڭ بىلعارى قولعاپ شەبەرلەرى «كىم مىقتىنى» انىقتايدى. كەزدەسۋدىڭ ەكىنشى كۇنى شارشى الاڭعا شىعاتىندار: 52 كەلى سالماق دارەجەسىندە: ولجاس ساتتىبايەۆ (ميراس جاقىپوۆ) - يوسۆاني ۆەيتيا سوتو؛ 60 كەلى: زاكىر سافيۋللين (ەرجان مۇسافيروۆ) - لاسارو حورحە الۆارەس يەسترادا؛ 69 كەلى: اسلانبەك شىمبەرگەنوۆ (ماديار اشكەيەۆ) - رونەل يگلەسياس سوتولونگو؛ 81 كەلى: نۇرداۋلەت جارمانوۆ (ءالي احمەدوۆ) - حۋليو سەسار لا كرۋس پەراسا؛ + 91 كەلى: يۆان دىچكو (فيليپپ حرگوۆيچ) - يوحاندي تويراك ورتەگا.

ەگەر ەكى كۇندىك كەزدەسۋدىڭ قورىتىندىسى تەڭ اياقتالار بولسا، وندا جەڭىمپاز كوماندا 56 كەلى سالماق دارەجەسىندە وتەتىن قوسىمشا جەكپە-جەكتە بەلگىلى بولماق.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى