قازاقستان الداعى 3 جىلدا ۋران ءوندىرۋدىڭ شارتتى كولەمىن 20 پايىزعا كەمىتەدى

 «قازاقستاندا وندىرىلگەن ۋراننىڭ 100 پايىزى ەكسپورتقا شىعارىلادى. ەلىمىزدە ونى قولدانبايمىز. جالپى ءبىز دۇنيەجۇزىلىك ۋران ءوندىرىسىنىڭ 40 پايىزىن قامتاماسىز ەتىپ وتىرمىز. ونىڭ جارتىسى قاز اتوم ونەركاسىپ كومپانياسىنىڭ ەنشىسىندە، قالعانى ترانسۇلتتىق سەرىكتەستەرىمىزگە تيەسىلى. 2016 -جىلى قازاقستاندا 24600 توننا ۋران ءوندىرىلدى. قاجەت بولسا ءبىز مۇنان دا كوپ وندىرە الامىز. الايدا، قازىرگى تاڭدا نارىقتا سۇرانىستان ۋران ءونىمى الدەقايدا كوپ. سوندىقتان ۋران ءوندىرىسىن ارتتىرۋعا ءالى ەرتە دەپ بولجاۋدامىز»، - دەدى ول.

ونىڭ ايتۋىنشا، نارىقتاعى ۋران ءونىمنىڭ سۇرانىستان كوپتىگى 1 فۋنت ۋراننىڭ باعاسىن 136 دوللاردان 18 دوللارعا دەيىن تومەندەتىپ جىبەرگەن. «ۋران ءوندىرىسىنىڭ ۇزاقمەرزىمدى تۇراقتىلىعىن قامتاماسىز ەتۋ ءۇشىن ءبىز ءوندىرىس اۋقىمىن سۇرانىسقا يكەمدەپ، قىسقارتۋ جونىندەگى ستراتەگيالىق شەشىم قابىلدادىق. ايتا كەتەرلىگى، 2018 -جىلدىڭ قاڭتار ايىنان باستاپ 3 جىلعا جەر قويناۋىن پايدالانۋ كەلىسىمشارتتارى بويىنشا جوسپارلانعان ءوندىرىس اۋقىمىن 20 پايىزعا ازايتۋ كوزدەلىپ وتىر. بۇل شارا كومپانيانىڭ تۇتىنۋشىلار الدىنداعى مىندەتتەمەلەرىنە اسەر ەتپەيتىندىگىن اتاپ وتكىم كەلەدى»، - دەدى عالىمجان پىرىمبەتوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى