سوڭعى 3 جىلدا تاس جولداردى دامىتۋعا 20 ميلليارد تەڭگەدەن استام قاراجات باعىتتالدى - ارحيمەد مۇحامبەتوۆ

جيىن بارىسىندا وبلىس اكىمى ارحيمەد مۇحامبەتوۆ ەلباسى جولداۋىنىڭ 7 باعىتىنا سايكەس، اقتوبە وبلىسىنىڭ ەكونوميكاسىنا ەنگىزىلەتىن تۇزەتۋلەردى ايقىندادى.

- بيىل وبلىس بولجانعان كورسەتكىشتەرگە قول جەتكىزەدى. ءبىز دامۋ جوسپارىمىزدى پرەزيدەنت جولداۋىنا ساي تۇزەدىك، - دەدى اكىم.

ايماق باسشىسىنىڭ سوزىنە قاراعاندا، جولداۋدىڭ ءبىرىنشى باعىتى بويىنشا تاس جولداردىڭ قۇرىلىسى جانە ولاردى قالپىنا كەلتىرۋ بويىنشا اۋقىمدى جۇمىستار اتقارىلىپ جاتىر.

«باتىس ەۋروپا- باتىس قىتاي» اۆتوماگيسترالى ۋچاسكەسىنىڭ قۇرىلىسى اياقتالدى.

- اۆتوجولداردىڭ جەرگىلىكتى جەلىلەرىن دامىتۋعا سوڭعى ءۇش جىلدا 20 ميلليارد تەڭگەدەن استام قاراجات ءبولىندى. پرەزيدەنت اتاپ وتكەندەي، ەلگە ورتالىقتى وڭىرلەرمەن بايلانىستىراتىن جول كەرەك. سولاردىڭ ءبىرى - «استانا- اقتوبە- اتىراۋ» تاس جولى.

2015 - جىلى وبلىستا قۇنى 4 ميلليارد تەڭگەنى قۇرايتىن اقتوبە قالاسىنىڭ وڭتۇستىك اينالما جولى قۇرىلىس جۇمىستارى جالعاساتىن بولادى. بۇل ترانزيتتىك كولىكتەردىڭ اقتوبەنى اينالىپ، اقتوبە- اتىراۋ- استراحان تراسساسىنا شىعۋىنا جول اشادى.

2014 - جىلى قوبدا كەنتىنە بارار جولدىڭ قۇرىلىسى اياقتالدى.

«وتكەن جىلى رەسەي شەكاراسىنا دەيىنگى جول جوندەلدى، قالانىڭ سولتۇستىگىندەگى اينالما جول جوندەلدى» ، - دەدى اكىم.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى