اسكەري پوليگوندا جاس سارباز 2 ادامدى اتىپ تاستادى
پوليتسيا اقپاراتى بويىنشا، وق جاۋدىرعان 18 جاستاعى سارباز وقيعا ورنىندا ۇستالىپ، ادام ومىرىنە قاستاندىق جاسادى دەگەن كۇدىكپەن قاماۋعا الىندى. ول گيفۋ پرەفەكتۋراسىندا وق اتۋدى ۇيرەنىپ جاتقان كەزدە ۆينتوۆكامەن جانىنداعىلاردى اتقان. قازا تاپقانداردىڭ قاتارىندا 25 جاستاعى ەر ادام بار.
قارۋ قولدانىپ، كۇش كورسەتۋ جاپونيادا سيرەك كەزدەسەدى، ءبىراق بىلتىر شىلدەدەن باستاپ وسىعان ۇقساس بىرنەشە وقيعا تىركەلگەن. سول كەزدە بۇرىنعى پرەمەر-مينيستر سيندزو ابەنى ساياسي ميتينگكە نارازىلىققا شىققانداردىڭ ءبىرى اتتى. ابە - جاپونيادا ەڭ ۇزاق پرەمەر-مينيستر بولعان تۇلعا. ونىڭ ءولىمى ەلدى ءدۇر سىلكىندىردى.
بيىلعى ساۋىردە پرەمەر-مينيستر فۋميو كيسيدانىڭ سايلاۋالدى ءىس-شاراسى كەزىندە تۇتىندەتكىش قۇتى لاقتىرىلعان بولاتىن.
ال، مامىردا ناگانودا جەرگىلىكتى شەنەۋنىكتىڭ ۇلى ءتورت ادامدى ءولتىردى دەگەن كۇدىكپەن قاماۋعا الىندى.
