باتىس قازاقستاندىق پوليسەيلەر 2 مىڭنان استام كيىك ءمۇيىزىن تاركىلەدى
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، ۇيىمداسقان قىلمىسقا قارسى كۇرەس باسقارماسى ق ر ۇ ق ك بقو بويىنشا دەپارتامەنتىنىڭ قىزمەتكەرلەرىمەن بىرلەسىپ، «براكونەر» جەدەل الدىن الۋ ءىس- شاراسى بارىسىندا كيىك دەريۆاتتارىنىڭ زاڭسىز اينالىمىمەن اينالىسقان قىلمىستىق توپتى ۇستادى.
«ءتىنتۋ بارىسىندا 2 مىڭنان استام كيىك ءمۇيىزى تابىلىپ، تاركىلەندى. 5 كۇدىكتى ورال قالاسى پوليسيا باسقارماسىنا جەتكىزىلدى. ولاردىڭ ۇستىنەن ق ر ق ك 339-1-بابىنا (سيرەك كەزدەسەتىن جانە قۇرىپ كەتۋ قاۋپى تونگەن، سونداي- اق پايدالانۋعا تىيىم سالىنعان وسىمدىكتەر نەمەسە جانۋارلار تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) سايكەس قىلمىستىق ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە»، دەپ حابارلادى ۆەدومستۆودان.
