قازان ايىنان بەرى 2 ميلليوننان استام قازاقستاندىق تۇماۋ جۇقتىردى

«ەل اۋماعىندا تۇماۋ مەن ج ر ۆ ي- ءدىڭ ءجيى تارالۋى بايقالادى. 1 - قازاننان باستاپ سانيتارلىق قىزمەت 2 ميلليون 100 مىڭ جرۆي جاعدايىن تىركەدى. ونىڭ اراسىندا 1 ميلليون 300 مىڭى 14 جاسقا دەيىنگى بالا. تۇماۋ بويىنشا قازاقستاندا «ۆ» ۆيرۋسى ءورشىپ تۇر. بارلىق وڭىردە تىركەلگەن. جالپى، سۋىق ءتيىپ اۋرۋ كورسەتكىشى بىلتىرمەن سالىستىرعاندا 10 پايىزعا وسكەن» ، - دەدى ۆياچەسلاۆ دۋدنيك ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي- اق مينيستر ورىنباسارى تۇماۋ جانە جرۆي- گە قارسى ەلىمىزگە 2 ميلليون 280 مىڭنان استام ۆاكتسينا اكەلىنگەنىن جانە تۇرعىنداردىڭ 12 پايىزى ەكپە العانىن ايتتى.

وسى ورايدا ۆ. دۋدنيك قازاقستاندىقتاردان تۇماۋ جانە ج ر ۆ ي ماۋسىمى باستالماي تۇرىپ، الدىن الا ۆاكتسينا الۋعا شاقىردى.

بريفينگ بارىسىندا بەلگىلى بولعانداي، بيىل قازاقستاندا 402 مىڭ ءسابي دۇنيەگە كەلدى.

ودان بولەك، «اڭساعان ءسابي» مەملەكەتتىك باعدارلاماسى اياسىندا 3 مىڭنان استام نارەستە دۇنيە ەسىگىن اشتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى