دزيۋدو: قازاقستاندىقتار الەم چەمپيوناتىنىڭ جەكەلەي سىنىن 2 مەدالمەن اياقتادى

تاتاميدە بۇگىن قازاقستان نامىسىن ايەلدەر اراسىندا كاميلا بەرلىقاش پەن ەرلەردەن ەراسىل قاجىبايەۆ قورعادى.

وكىنىشكە قاراي ەكى بالۋانىمىز دا قارسىلاسىنا جول بەرىپ، جارىستى جۇلدەسىز اياقتادى.

ناقتىراق ايتساق، 78 كەلىگە دەيىنگى سالماقتا سىنعا تۇسكەن دزيۋدوشى قىزىمىز ءبىرىنشى اينالىمدا قارسىلاسى نيدەرلاندتىق ماريت كەمپستان ۇتىلدى.

ال ەرلەر اراسىندا 100 كەلىدەن جوعارى سالماقتا تاتاميگە شىققان قاجىبايەۆ تا العاشقى اينالىمنان ارىعا بارا المادى. ول جەرگىلىكتى بالۋان اليشەر يۋۋسۋپوۆتان ۇتىلىپ قالدى.

وسىلايشا قازاقستان قۇراماسى جەكەلەي سىنداعى جارىستى اياقتادى.

ەندى 13- قازان كۇنى كوماندالىق سايىس وتەدى.

ەستەرىڭىزگە سالا كەتەيىك، اتالعان الەمدىك دودادا قازاقستان نامىسىن 17 بالۋان (9 ى ەرلەر، 8 ءى ايەلدەر) قورعادى.

ناتيجەسىندە قازاقستاندىق بالۋاندار جەكەلەي سىندا جارىستى 2 قولا مەدالمەن اياقتادى.

ونىڭ ءبىرىن ەرلەر اراسىندا ۇلتتىق قۇرامانىڭ كوشباسشىسى 60 كەلىگە دەيىنگى سالماقتا سىنعا تۇسكەن ەلدوس سمەتوۆ جەڭىپ السا، ەكىنشى قولانى ايەلدەر اراسىندا 48 كەلى سالماقتا سىنعا تۇسكەن ءابيبا ابۋجاقىنوۆا ەنشىلەدى.

سونداي-اق، ابۋجاقىنوۆا وسى جەڭىسىنىڭ ارقاسىندا قازاق قىزدارى اراسىنان العاش رەت دزيۋدودان الەم چەمپيوناتىنىڭ جۇلدەگەرى اتاعىنا قول جەتكىزدى.

اۆتور كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى