قوستاناي وبلىسىندا ءورت ءسوندىرىپ جاتقان سالا ماماندارىنا 2 ايلىق كولەمىندە سىياقى بەرىلەدى
پرەزيدەنت قاسىم-جومارت توقايەۆ ۇكىمەتكە وسىنداي تاپسىرما بەردى، دەپ حابارلايدى قازاقپارات ءتىلشىسى.
«مەن جالىنمەن كۇرەسىپ جاتقانداردىڭ بارىنە ءوز اتىمنان جەكە العىس جولداعىم كەلەدى. ولار ەرلىك تانىتىپ، شۇعىل قيمىلداپ، كاسىپتەرىنە ادال ەكەنىن كورسەتتى. ولار ەڭ جوعارى باعاعا لايىق دەپ ويلايمىن جانە ءتيىستى ماراپات الادى. ونىڭ ىشىندە قارجىلىق تۇرعىدان دا. ۇكىمەت ءورت سوندىرۋگە تىكەلەي قاتىسقانداردى ەكى ايلىق ەڭبەكاقى كولەمىندە ماراپاتتاۋ تۋرالى ءتيىستى قاۋلى ازىرلەۋى كەرەك»، - دەدى پرەزيدەنت قوستاناي وبلىسىنداعى جۇمىس ساپارى كەزىندە.
بۇعان دەيىن مەملەكەت باسشىسىنىڭ توتەنشە جاعدايلار مينيسترلىگىن قىزمەتكەرلەرىن تۇرعىن ۇيمەن قامتاماسىز ەتۋگە قابىلەتتى ينستيتۋت رەتىندە كۇشەيتۋ تۋرالى تاپسىرما بەرگەنىن جازعان ەدىك.
