الماتىدا قارۋ-جاراق دۇكەنىن توناعان تاعى 2 ادام ۇستالدى

الماتى قالالىق پوليتسيا دەپارتامەنتىنىڭ مالىمەتىنشە، ۇستالعاندار 27-28 جاس ارالىعىنداعى الماتى وبلىسىنىڭ ەكى تۇرعىنى بولىپ شىقتى.

ولاردىڭ ءبىرى بۇرىن بوتەننىڭ مۇلكىن ۇرلاعانى ءۇشىن سوتتى بولعان.

«بۇل جولى كۇدىكتىلەر قارۋ-جاراق دۇكەنىنىڭ مۇلكىنە كوز سالعان. 6- قاڭتارعا قاراعان ءتۇنى ولار «كامەراد» قارۋ-جاراق دۇكەنىن توناپ، ودان 5 تەگىس ۇڭعىلى مىلتىق، پاتروندار مەن وق وتپەيتىن جيدەلەردى ۇرلاعان. كۇدىكتىلەر ۇستالدى جانە قاماۋعا الىندى»، - دەيدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

پوليتسيا وكىلىنىڭ سوزىنشە، زاتتاي ايعاقتار تاركىلەندى. ۇستالعانداردىڭ باسقا دا، سونىڭ ىشىندە جاپپاي تارتىپسىزدىكتەر كەزىندە ورىن العان قىلمىستارعا قاتىستىلىعى تەكسەرىلۋدە.

قىلمىستىق ءىستى اۋەزوۆ اۋداندىق پ ب جانىنداعى پوليتسيا ءبولىمى ق ر ق ك- ءنىڭ 291-بابى، 3-بولىگى بويىنشا تەرگەپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى