الماتىداعى قارۋ-جاراق دۇكەندەرىنە شابۋىل جاسادى دەگەن 2 كۇدىكتى ۇستالدى
«30- قاڭتاردا كولىكتەگى پوليتسيا دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارى اياسىندا الماتى وبلىسىنىڭ 35 جاستاعى تۇرعىنىن ۇستادى. ول الماتى قالاسىنداعى جاپپاي تارتىپسىزدىكتەر كەزىندە وگەلەرمەن بىرگە قارۋ-جاراق دۇكەنىنە شابۋىل جاساعان. وسىدان كەيىن توپپەن بىرگە ماتەريالدىق قۇندىلىقتاردى يەلەنۋ ءۇشىن الماتى اۋەجايىنا بەت العان. بۇل تۋرالى ىشكى ىستەر مينيسترلىگى كولىك پوليتسياسىنىڭ باسشىسى وڭالبەك بەكيەۆ ايتتى»، - دەپ جازىلعان دەپارتامەنتتىڭ دەرەگىندە.
وڭالبەك بەكيەۆتىڭ دەپارتامەنتتىڭ باسپا ءسوز قىزمەتىنە بەرگەن مالىمەتى بويىنشا، كۇدىكتىدەن 6 دانا اتىس قارۋى، مەن تەرگەلىپ جاتقان قىلمىستارعا قاتىسى بار ەكەنىن راستايتىن باسقا دا زاتتاي ايعاقتار تاركىلەنگەن.
ال 1- اقپاندا پوليتسەيلەر 1990-جىلى تۋعان ازاماتتى ۇستاعان. دەپارتامەنت تاراتقان اقپاراتتا ونىڭ 5- قاڭتاردا تانىسىمەن بىرگە الماتىداعى جاپپاي تارتىپسىزدىكتەرگە بەلسەندى قاتىسقانى ايتىلادى.
«سول كۇنى كۇدىكتى ەكى دوسىمەن بىرگە قارۋ-جاراق دۇكەنىنە شابۋىل جاساپ، 7 اتىس قارۋىن ۇرلاپ، الماتى قالاسىنىڭ حالىقارالىق اۋەجايىنداعى تارتىپسىزدىكتەرگە قاتىستى. قازىرگى تاڭدا اتالعان فاكتىلەر بويىنشا سوتقا دەيىنگى تەرگەۋ امالدارى ءجۇرىپ جاتىر»، - دەپ جازىلعان رەسمي مالىمەتتە.
وڭالبەك بەكيەۆتىڭ دەپارتامەنتتىڭ باسپا ءسوز قىزمەتىنە بەرگەن مالىمەتى بويىنشا، كۇدىكتىلەر قاماۋعا الىنعان.
اتالعان زاڭسىزدىقتارعا قاتىستى دەگەن كۇدىككە ىلىنگەن وزگە ادامداردى ۇستاۋ شارالارى ءالى جالعاسىپ جاتىر.
