جەل، كوكتايعاق، بوران: 2- قاڭتارعا ارنالعان اۋا رايى
سۋىق انتيتسيكلون ءالى دە ەلىمىزدىڭ شىعىس جانە سولتۇستىك وڭىرلەرىنىڭ اۋا رايىنا ىقپال ەتە بەرەدى. وسىعان بايلانىستى جاۋىن-شاشىنسىز اۋا رايى ساقتالادى.
ەلىمىزدىڭ باتىسىندا، سولتۇستىك-باتىسىندا جانە وڭتۇستىگىندە اتموسفەرالىق فرونتتاردىڭ اسەرىنەن تۇراقسىز اۋا رايى كۇتىلەدى، جاۋىن-شاشىن، كوكتايعاق بولادى جانە جەل كۇشەيەدى.
رەسپۋبليكا بويىنشا كەي جەرلەردە تۇمان كۇتىلەدى. باتىس قازاقستان وبلىسىنىڭ سولتۇستىك-باتىسىندا، اتىراۋ وبلىسىنىڭ باتىسىندا، وڭتۇستىگىندە جانە ورتالىعىندا تۇمان، كوكتايعاق، كۇندىز باتىس قازاقستان وبلىسىنىڭ سولتۇستىك-شىعىسىندا جەلدىڭ كۇشى 15-20 م/س جەتەدى.
الماتى وبلىسىنىڭ سولتۇستىگىندە جانە تاۋلى اۋداندارىندا تۇمان كۇتىلەدى، الاكول كولدەرىنىڭ اۋدانىندا جەل - 18-23، ەكپىنى - 29 م/س دەيىن كۇشەيەدى.
كۇندىز اقتوبە وبلىسىنىڭ سولتۇستىك-باتىسىندا جەل قارقىنى - 18 م/س. جاياۋ بۇرقاسىن سوعىپ، وبلىستىڭ شىعىسىندا تۇمان تۇسەدى.
جامبىل وبلىسىنىڭ سولتۇستىگىندە، تاۋلى اۋداندارىندا تۇمان، وبلىستىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋدانداردا جەلدىڭ جىلدامدىعى 15-20 م/س جەتەدى.
شىعىس قازاقستان وبلىسىنىڭ باتىسىندا جەلدىڭ كۇشى - 15-20 م/س.
قوستاناي وبلىسىنىڭ سولتۇستىگىندە، سولتۇستىك- باتىسىندا جاياۋ بۇرقاسىن، ماڭعىستاۋ وبلىسىنىڭ سولتۇستىگىندە - كوكتايعاق، قىزىلوردا وبلىسىنىڭ ورتالىعىندا، تۇندە جانە تاڭەرتەڭ تۇركىستان وبلىسىنىڭ وڭتۇستىگىندە، باتىسىندا، تاۋلى اۋدانداردا تۇمان تۇسەدى.
