اتىراۋ وبلىسىنىڭ اكىمى 2 ميلليونعا جۋىق تەڭگە جالاقى الادى
«ءسىزدىڭ ەكى بىردەي ورىنباسارىڭىز سىبايلاس جەمقورلىق بويىنشا كۇدىككە ىلىنگەنىن بىلەسىز. زاڭناما بويىنشا، قول استىنداعى قىزمەتكەر جەمقورلىقپەن ۇستالسا، مەملەكەتتىك ورگاننىڭ ءبىرىنشى باسشىسى قىزمەتىنەن ءوز ەركىمەن كەتۋى كەرەك. ەگەر ورىنباسارلارىڭىزدىڭ كىناسى دالەلدەنسە، وتستاۆكا تۋرالى ءوتىنىش بەرەسىز بە؟ وبلىس اكىمىنە ب ا ق وكىلدەرى وسىنداي سۇراق قويدى.
«بۇل سۇراققا بۇرىن دا جاۋاپ بەرگەن بولاتىنمىن. ءيا، نۇرلان تاۋبايەۆتىڭ ۇستىنەن تەرگەۋ ءجۇرىپ جاتقانى تۋرالى فاكتى بار. تەرگەۋ قورىتىندىسى بويىنشا، سوت قانداي شەشىم قابىلدايدى، سوعان بايلانىستى. سوت ونى كىنالى دەپ تانىسا مەن وتستاۆكا تۋرالى ءوتىنىش جازۋعا دايىنمىن. نۇرلىبايەۆ تۋرالى دا وسىنى ايتامىن. سوت ول دا سىبايلاس جەمقورلىق قىلمىس جاسادى دەگەن شەشىم شىعارسا، زاڭ بويىنشا توستاۆكا تۋرالى ءوتىنىش بەرەمىن»، - دەدى ماحامبەت دوسمۇحامبەتوۆ.
بريفينگ بارىسىندا وبىلس اكىمى ءوزىنىڭ ايلعى تۋرالى سۇراققا دا جاۋاپ بەردى.
«وزدەرىڭىز دە بىلەتىن شىعارسىزدار، اكىمدەردىڭ ايلىعى كوتەرىلگەن بولاتىن. مەنىڭ ەڭبەكاقىم ايىنا 1 ميلليون 954 مىڭ تەڭگەنى قۇرايدى»، - دەدى اكىم.
اۆتور: ەسىمجان ناقتىباي
