وسكەمەندە زاۋىتتاعى 2 جۇمىسشىنىڭ ولىمىنە قاتىستى ارنايى كوميسسيا قۇرىلادى

ش ق و مەملەكەتتىك ەڭبەك ينسپەكتسياسى باسقارماسىنىڭ باسشىسى باقىتبەك قيزاتوۆتىڭ ايتۋىنشا، قازىرگى ۋاقىتتا كاسىپورىنداعى قايعىلى جاعدايعا قاتىستى جان-جاقتى تەكسەرۋ جۇرگىزىلىپ جاتىر.

«5- قاراشادا ساعات 17:20 شاماسىندا «POSUK Titanium» ج ش س- نىڭ ەكى جۇمىسشىسى كوز جۇمدى. بەلگىلى بولعانداي، ولار ەلەكتروندى-ساۋلەلىك پەشتە پروفيلاكتيكالىق جوندەۋ جۇمىستارىن جۇرگىزىپ جاتقان. سول جەرگە باسقارما ماماندارى مەن پروكۋراتۋرا قىزمەتكەرلەرى شۇعىل كەلىپ جەتتى. قازىرگى ۋاقىتتا وقيعانىڭ سەبەبى مەن ءمان-جايىن انىقتايتىن ارنايى كوميسسيا قۇرىلىپ جاتىر»، - دەدى ول.

باقىتبەك قيزاتوۆ ءوز سوزىندە وسى جىلدىڭ 9 ايىندا ءوڭىر كاسىپورىندارىندا 153 جازاتايىم وقيعا بولىپ، 16 ادام كوز جۇمعانىن جەتكىزدى.

ەستەرىڭىزگە سالا كەتسەك، وسىعان دەيىن وسكەمەندە كاسىپورىندا ەكى جۇمىسشى مەرت بولعانى حابارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى