الەمدە 2 ميلليون كولىككە تاپشىلىق تۋىندايدى

بوستون ساراپشىلارىنىڭ ەسەبىنشە، جاھاندىق نارىق 210 ميلليارد دوللاردان قاعىلادى. ميكروچيپتەردىڭ دەنى وڭتۇستىك- شىعىس ازيادا وندىرىلەدى. الەمدەگى بولات پەن اليۋمينيدىڭ قىمباتتاۋى دا اۆتووندىرىسكە كەسىرىن تيگىزگەن. سالدارىنان تەمىر تۇلپار قۇنى كوتەرىلىپ جاتىر. سوعان قاراماستان سۇرانىس بەلسەندى.

قازاقستاننىڭ وزىندە جىل باسىنان بەرى 86 مىڭ جاڭا كولىك ساتىلدى. ونىڭ 65 پروتسەنتى وتاندىق ءونىم. ال ديلەرلەر كوكتەمگە دەيىن تاپسىرىس قابىلداۋدى توقتاتىپ قويدى. ويتكەنى سۇرانىس ءوندىرىستى ەكى وراپ كەتەدى. قازىرگى تاپسىرىستى تولىق وتەۋ ءۇشىن جارتى جىلداي ۋاقىت كەرەك.

ارتۋر ميسكاريان، «قازاۆتوپروم» باسقارما ءتوراعاسىنىڭ ورىنباسارى:

- ەڭ باستى ماسەلە ميكروچيپتەردىڭ جەتىسپەۋشىلىگى. ميكروسحەمالار نەگىزىنەن كومپيۋتەر، مەديتسينالىق جابدىقتار، سمارتفون وندىرىسىندە كەڭ قولدانىلادى. جالپى سۇرانىستىڭ 10 پروتسەنتى عانا اۆتونارىققا تيەسىلى. بۇل ماسەلە ءبىزدى دە قىسپاققا الدى. كەلەشەكتە الەم حالقى جىل سايىن 2 ميلليون كولىك جەتىسپەيتىن دارەجەگە جەتەدى. ونىڭ سالدارىن قازىردەن كورىپ جاتىرمىز. ميكروچيپتەردىڭ جەتىسپەۋشىلىگى جاھاندىق اۆتووندىرىسكە عانا ەمەس، كولىك جابدىقتارىن دا قىسقارتۋعا الىپ كەلۋى مۇمكىن.

ماماندار بولجامى وسىنداي.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى