رەسەيدە ان-2 ۇشاعى قۇلاپ، جەتى ادام مەرت بولدى

«الدىن الا مالىمەت بويىنشا، ۇشاقتىڭ قۇلاعان جەرى انىقتالدى. ول - اەرودرومعا جاقىن ورنالاسقان پيۆوۆاريحا ەلدى مەكەنىنىڭ ماڭى. ۇشاق قونار كەزدە ەكىنشى رەت اينالىپ، رادارلاردان جوعالىپ كەتكەن»، - دەپ باياندادى اگەنتتىك دەرەككوزى.

يركۋستسك اۋدانى ا ق جانە ت ج قىزمەتىنىڭ ديرەكتورى ولەگ فەدوتوۆتىڭ تاسس اگەنتتىگىنە حابارلاۋىنشا، اۋە كەمەسى ورمانعا قۇلاعان.

ت ج م ناقتىلاعان مالىمەتىنشە، ونىڭ بورتىندا سەگىز ەمەس، جەتى ادام بولدى.

تاسس دەرەككوزى ولاردىڭ ەكيپاج مۇشەلەرى بولعانىن قوسىپ ايتا كەتتى. شۇعىل قىزمەتتەردەن ۇشاقتىڭ وتقا ورانعانى، ونىڭ قاسىنداعى ءشوپ ورتەنىپ، ءورتتىڭ ءالى سوندىرىلمەگەنىن حابارلادى. جالىن 300 شارشى مەتر اۋماقتى شارپىعان.

«ناقتىلانعان مالىمەتتەرگە سايكەس، ۇشاقتىڭ 10 شارشى مەتر اۋدانى، 300 شارشى مەترگە توگىلگەن وتىن ورتەنىپ جاتىر. وقيعا ورنىندا 46 ادام مەن 17 تەحنيكا جۇمىس ىستەۋدە. رەسەي ت ج م ارنايى كۇش-قۇرالدارىن كوبەيتىپ وتىر»، - دەدى ۆەدومستۆودا.

ۇشاقتىڭ بورتىندا بولعانداردىڭ بارلىعى قازا تاپتى. بورت بەلارۋستىڭ «گرودنو» اۋە كومپانياسىنىڭ يەلىگىندە.

تاسىمالداۋشى باسشىلىعى زارداپ شەككەن ان-12 ۇشاعىنا قاتىستى اقپاراتتى تەكسەرىپ وتىرعانىن مالىمدەدى. ۇشاق جۇك تاسىمالداعان ەدى.

«اۋە كەمەسى چۋكوت ا ا- دا حالىقتىق تۇتىنۋعا ارنالعان ازىق-تۇلىكتەردى تاسىمالداپ، اۋەجايعا قايتىپ ۇشىپ كەلە جاتتى»، - دەپ قوسىپ ءوتتى روساۆياتسيادان.

ۆەدومستۆودان اتاپ وتكەندەي، يركۋتسككە قونار الدىندا، ۇشاق ەكيپاجى ەكىنشى اينالىمعا ءوتۋ قاجەتتىلىگى تۋرالى جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى