اكىم ەلوردا حالقى قاشان 2 ميلليون ادامعا جەتەتىنىن ايتتى

بۇل تۋرالى قالا باسشىسى التاي كولگىنوۆ نۇر-سۇلتان قالالىق ءماسليحاتىنىڭ كەزەكتەن تىس سەسسياسىندا ايتتى، دەپ حابارلايدى قازاقپارات ءتىلشىسى.

«بارلىعىمىزدىڭ الدىمىزدا تۇرعان بىرنەشە ماسەلەگە نازار اۋدارتقىم كەلەدى. ارينە، ءبىرىنشى كەزەكتە ول - Nur Otan پارياسىنىڭ جول كارتاسى. ول تۇرعىندارىمىزدىڭ ناقتى پروبلەمالارىن شەشۋگە باعىتتالعان. ونى ءبىز سايلاۋدا جاريا ەتىپ، بەكىتكەن ەدىك»، - دەدى التاي كولگىنوۆ. قالا اكىمى ەلوردانىڭ قارقىندى دامىپ، حالىق سانىدا تۇراقتى ارتىپ كەلە جاتقاندىعىن ايرىقشا اتاپ ءوتتى.

«وسىدان 10 جىل بۇرىن تۇرعىن سانى 600 مىڭ ادامنان ءسال عانا اساتىن. قازىر 1,2 ميلليون ادامعا جەتىپ وتىر. بولجامعا سايكەس، 2030 -جىلعا قاراي قالا تۇرعىندارىنىڭ سانى 2 ميلليون ادامعا جەتەدى. ياعني، ۋربانيزاتسيا پروتسەسىنە توسقاۋىل قويا المايمىز. بۇل الەمدىك ترەند جانە قالامىز دا ونى باستان كەشىرىپ جاتىر. ال حالىق سانىنىڭ ارتۋى الەۋمەتتىك ينفراقۇرىلىمعا، جولدارعا، ينجەرەلىك جەلىلەرگە، تۇرعىن ۇيگە، مەكتەپتەر مەن بالاباقشالارعا، بيزنەس نىساندارىنا، جۇمىس ورىندارىنا جۇكتەمەنى ۇلعايتاتىندىعى انىق»، - دەدى ەلوردا باسشىسى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى