الماتىدا 2 ادامنىڭ ولىمىنە سەبەپكەر بولعان جۇرگىزۋشى قاماۋعا الىندى
«قاراساي اۋداندىق سوتىنىڭ تەرگەۋ سۋدياسىنىڭ 13- شىلدەدەگى قاۋلىسىمەن 6- شىلدەدە الماتى-جاندوسوۆ-بەسمويناق جولىنىڭ 25 شاقىرىمىندا بولعان جول-كولىك وقيعاسىنا سەبەپكەر بولعان «Land Cruser» اۆتوكولىگىنىڭ 18 جاستاعى جۇرگىزۋشىسى ەكى اي مەرزىمگە «قاماۋعا الۋ» تۇرىندەگى بۇلتارتپاۋ شاراسىن سانكسيالادى»، - دەپ حابارلادى الماتى وبلىسى پوليتسيا دەپارتامەنتىنىڭ باسپا ءسوز قىزمەتى.
ەسكە سالايىق، جول اپاتى 6- شىلدە كۇنى ساعات 00:10 شاماسىندا بولعان.
الماتى-جاندوسوۆ-بەسمويناق تاس جولىنىڭ شىعىس باعىتىندا «Toyota Land Cruiser» اۆتوكولىگىنىڭ 18 جاستاعى جۇرگىزۋشىسى رۋلگە يە بولا الماي، قارسى جولاققا شىعىپ كەتىپ، «toyota Avensis» كولىگىمەن سوقتىعىستى. سالدارىنان «Toyota Avensis» اۆتوكولىگىنىڭ جۇرگىزۋشىسى مەن ونىڭ 26 جاستاعى جولاۋشىسى العان جاراقاتتارىنان سول جەردە كوز جۇمدى.
