ەلوردادا 2 مىڭ وتباسىنا ازىق- تۇلىك سەبەتى تاراتىلدى
«جىلدىڭ باسىنان بەرى «30 يگى ءىس» قايىرىمدىلىق ءىس- شارالارىن باستاپ جاتىرمىز. 1 -ناۋرىز - العىس ايتۋ كۇنىندە، 8 -ناۋرىز - ايەلدەردىڭ حالىقارالىق مەرەكەسىندە قايىرىمدىلىق اكتسيالارىن وتكىزدىك. مۇنداي ءىس- شارالاردىڭ بارلىعى ەلورداداعى از قامتىلعان وتباسىلارعا كومەك كورسەتۋگە باعىتتالعان. بۇگىن قالانىڭ 4 اۋدانىندا تۇرىپ جاتقان 2 مىڭعا جۋىق وتباسىعا كومەك كورسەتىلەدى. سول ارقىلى ەلورداداعى بارلىق از قامتىلعان وتباسىلاردى كومەكپەن قامتۋدى جوسپارلاپ وتىرمىز»، - دەدى باقتيار ماكەن ب ا ق وكىلدەرىنە بەرگەن سۇحباتىندا.
سونىمەن قاتار ول بارشا قازاقستان حالقىن ۇلىستىڭ ۇلى كۇنى - ناۋرىز مەيرامىمەن قۇتتىقتاپ ءوتتى.
« ۇلىستىڭ ۇلى كۇنى قۇتتى بولسىن! ەلىمىزگە باق- بەرەكە بەرسىن! مىنا جامان ىندەتتەن امان- ەسەن شىعىپ، الداعى ۋاقىتتا ناۋرىز مەيرامىن حالىق، ەل بولىپ ۇلكەن ءىس- شارالارىمەن اتاپ وتەر كۇنگە جەتەيىك» ، - دەدى ەلوردا اكىمىنىڭ ورىنباسارى.
نۇر- سۇلتان قالاسىنىڭ اكىمدىگىنىڭ باستاماسىمەن ناۋرىز مەرەكەسىنە وراي «قايىرىمدى ىستەر» ۇرانىمەن ءوتىپ جاتقان يگى ىستەر اياسىندا حالىقتىڭ الەۋمەتتىك وسال توپتارى ءۇشىن تاراتىلاتىن ازىق- تۇلىك سەبەتىنىڭ سالماعى 20-25 كەلىنى قۇرايدى. ءار سەبەتكە قاجەتتى تاۋارلار - جارما، ماكارون، كۇنباعىس مايى جانە باسقالارى سالىنعان. كومەك جالعىز باستى قارت ادامدارعا، ەرەكشە قاجەتتىلىكتەرى بار ازاماتتارعا جانە از قامتىلعان كوپ بالالى وتباسىلارعا كورسەتىلەدى.
