«قوجا احمەت ياسساۋي» مەشىتىنە 2 مىڭ دانا قۇران كىتابى سىيعا بەرىلدى
قۇران الىپپەسىن ۇيرەنەتىن شاكىرتتەر ءۇشىن بۇل تاپتىرمايتىن دۇنيە. قازاقشا تارجىماسىمەن باسپادان شىققان قاسيەتتى كىتاپ اۋدان، قالا، اۋىل مەشىتتەرىنە، مەدرەسە-كوللەدجدەرگە، دساك بولىمدەرىنە، كىتاپحانالارعا تاراتىلدى.
بۇل سىي ق م د ب- نىڭ 30 جىلدىعىنا ارنالدى. وبلىس يمامى مۇسابەك اقتامبەردى كۋۆەيت مەملەكەتىنىڭ توتەنشە جانە وكىلەتتى ەلشىسى تارەك ابدۋللا ءال-فاراج مىرزا مەن ازيا مۇسىلماندارى كوميتەتىنىڭ وكىلدەرىنە ريزاشىلىعىن ءبىلدىردى.
ايتا كەتەيىك، كۋۆەيت ەلشىلىگى مەن ازيا مۇسىلماندارى كوميتەتى تاراپىنان جىلىنا بىرنەشە رەت قايىرىمدىلىق وتكىزىلەدى. سونداي-اق، ىلكىمدى جوبالار جۇزەگە اسىرىلىپ كەلەدى.
«قۇران اراب تىلىندە جازىلعاندىقتان توتە جازۋدى ۇستاناتىن ەلدەردىڭ مۇسىلماندارى نامازدا تۇرعاندا ەگىلىپ جىلايدى. قۇراننىڭ ماعىناسىن تۇسىنەتىن ادامنىڭ اللانىڭ ەسكەرتۋلەرىن وقىعاندا كوزىنە جاس الماۋى مۇمكىن ەمەس. ەلىمىزدە ءدىن اتىن جامىلعان اعىمدارعا ەرگەندەر قۇراننىڭ ماعىناسىن بىلمەگەندىكتەن اداسىپ ءجۇر. قۇراننىڭ ءتىلىن بىلگەنىمەن، ماعىناسىن تۇسىنبەي قيىندىققا دۋشار بولعان»، - دەدى ق م د ب تۇركىستان وبلىسى بويىنشا زەكەت وكىلى ەركىن پولاتوۆ.
قۇراننىڭ اۋدارماسىن كوپ وقىعان ادامدار سۇرەلەردى وڭاي جاتتايتىنىن ايتادى، ۇستازدار. ءارى سوزدىك قور جيناۋعا دا جول اشادى.
«قازاقستانداعى ازيا مۇسىلماندارى كوميتەتىنىڭ» دەمەۋشىلىگىمەن «ق ر اقپارات جانە قوعامدىق دامۋ مينيسترلىگى قوعامدىق كەلىسىم كوميتەتىنىڭ ءدىنتانۋ ساراپتاماسىنىڭ وڭ قورىتىندىسى بەرىلگەن» جانە «ق م د ب- نىڭ شاريعات جانە ءپاتۋا ءبولىمىنىڭ ساراپتاماسىنىڭ وڭ قورىتىندىسى بەرىلگەن» - 2000 دانا «قۇران كارىم قازاقشا تۇسىندىرمەلى اۋدارما» كىتابى مينيسترلىك پەن ءمۇفتياتتىڭ ماقۇلداۋىنان وتكەن.
