الەۋمەتتىك جەلىلەردە بەلسەندىگى ءۇشىن قازاقستاندىق 2 جىلعا سوتتالدى
تۇركىستان وبلىسى بايدىبەك اۋدانىنىڭ تۇرعىنىن پ د ەكسترەميزمگە قارسى ءىس- قيمىل باسقارماسىنىڭ قىزمەتكەرلەرى ۇستادى. ول الەۋمەتتىك جەلىلەردە قازاقستاندا تىيىم سالىنعان دەسترۋكتيۆتى اعىم كوشباسشىلارىنىڭ اۋديوجازبالارىن تاراتتى دەگەن كۇدىككە ءىلىندى.
«پوليتسەيلەر بۇل دەرەكتى قىلمىستىق كودەكستىڭ 174-بابى 1-بولىگىندەگى «الەۋمەتتىك، ۇلتتىق، رۋلىق، ناسىلدىك، تەكتىك نەمەسە ءدىني الاۋىزدىقتى قوزدىرۋ« بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەدى. زاتتاي دالەل رەتىندە ءتارتىپ ساقشىلارى اۋديوجازبالاردى الىپ، ساراپتاماعا جىبەردى»، - دەلىنگەن حابارلامادا.
تەرگەۋ ماتەريالدارى شەشىمىن قابىلدانۋ ءۇشىن سوتقا جىبەرىلدى.
اۋداندىق سوتتىڭ شەشىمىمەن بايدىبەك اۋدانىنىڭ تۇرعىنى كىنالى دەپ تانىلىپ، ەكى جىلعا باس بوستاندىعىنان ايىرىلدى.
