اقمولا وبلىسىندا جول اپاتىنان 2 پوليتسەي كوز جۇمدى

ۆەدومستۆونىڭ مالىمەتىنشە، 15- قازان كۇنى شۋچە قالاسىندا ابىلايحان جانە سەيفۋللين كوشەلەرىنىڭ قيلىسىندا، «مەبەلين» دۇكەنى ماڭىندا «Lexus NX20» كولىگى بۋراباي اۋداندىق پوليتسيا ءبولىمى جەرگىلىكتى پوليتسيا قىزمەتىنىڭ «Lada-21214» كولىگىمەن سوقتىعىسقان. قىزمەتتىك كولىكتىڭ جۇرگىزۋشىسى مەن جولاۋشىسى وقيعا ورنىندا العان دەنە جاراقاتىنان كوز جۇمدى. پوليتسيا قىزمەتكەرلەرى قىزمەتتىك مىندەتىن اتقارىپ جۇرگەن. كەزەكتى وقيعادان قايتىپ كەلە جاتقان.

«كۇدىكتى - شۋچە قالاسىنىڭ 22 جاستاعى تۇرعىنى. ونىڭ قىلمىستىق كودەكستىڭ 200، 346 باپتارى بويىنشا بۇرىن بىرنەشە رەت سوتتالعانى جانە 2022 -جىلعا دەيىن كولىك باسقارۋ قۇقىعىنان ايىرىلعانى انىقتالدى» دەيدى ۆەدومستۆودان.

قازىرگى كەزدە كۇدىكتى ۋاقىتشا ۇستاۋ وقشاۋلاعىشىنا قامالىپ، ۇستىنەن قىلمىستىق كودەكستىڭ 345-بابىنىڭ 4-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى