قازاقستاندا شىعارماشىلىق پەن ونەر سالاسىنداعى قىزمەت كولەمى 2 ەسە قۇلدىرادى

بۇل - سوڭعى 5 جىلداعى العاشقى قۇلدىراۋ ءارى وتكەن جىلدىڭ ءدال وسىنداي كەزەڭىمەن سالىستىرعاندا 16,8 پايىزعا تومەن، دەپ حابارلايدى قازاقپارات ءتىلشىسى Finprom.kz رەسۋرسىنا سىلتەمە جاساپ.

قىركۇيەكتەن باستاپ تەاترلارعا زالداعى ورىنداردىڭ 50 پايىزىن عانا تولتىرىپ، 50 ادامنان اسىرماي جۇمىس ىستەۋگە رۇقسات بەرىلگەن. ال كينوتەاترلاردىڭ جۇمىسىنا ءالى كۇنگە دەيىن تىيىم سالىنعان. قازاقستاندا شىعارماشىلىق، ونەر جانە كوڭىل كوتەرۋ سالاسىنداعى قىزمەت كولەمىنىڭ قىسقارۋى مىنا ءۇش وڭىردە ەرەكشە بايقالادى:

ەلوردا (-43,5 پايىز)، الماتى (-31,5) جانە اتىراۋ وبلىسىندا (-32,8). بۇعان قوسا سەكتورداعى قىزمەتتەردىڭ جارتىسىنان كوبى اتالعان ءۇش ايماققا تيەسىلى. قىزمەت كولەمى بويىنشا توپ-3 وڭىرگە نۇر- سۇلتان (5 ميلليارد تەڭگە)، الماتى (4,2 ميلليارد تەڭگە) جانە قاراعاندى وبلىسى (2 ميلليارد تەڭگە، بۇعان قوسا اتالعان وبلىستا ەلىمىزدىڭ وڭىرلەرى ىشىندە قىزمەت كولەمى 63,4 پايىزعا ءوسىم كورسەتىپ وتىر) كىرەدى.

سەكتورداعى قىزمەت كولەمىنىڭ ءوسىمى تەاتر (202,6 ميلليون تەڭگە نەمەسە 1,9 پايىز وسىممەن 10,8 ميلليارد تەڭگەگە دەيىن) جانە سيركتە (109,3 ميلليون تەڭگە نەمەسە 22,1 پايىز وسىممەن 604,9 ميلليون تەڭگەگە دەيىن) تىركەلگەن.

قىزمەتتەردىڭ ەڭ كوپ قىسقارۋى كوركەم جانە ادەبي شىعارماشىلىق (3 ميلليارد تەڭگەگە جۋىققا نەمەسە 69,5 پايىزبەن 1,3 ميلليارد تەڭگەگە دەيىن)، كونسەرت پەن تەاتر زالدارى قىزمەتى (968,2 ميلليون تەڭگەگە نەمەسە 53,8 پايىزبەن 832,7 ميلليون تەڭگەگە دەيىن) سالالارىندا بايقالادى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى