ماۋسىم ايىندا قازاقستاندىقتار 2 مىڭعا جۋىق التىن قۇيماسىن ساتىپ الدى

بۇل جونىندە ۇلتتىق بانكتىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

ايتا كەتەيىك، 2017 -جىلدان بەرى جالپى سالماعى 959 ك گ بولاتىن 28143 ولشەۋىش قۇيما ساتىلدى. التىن قۇيماسى بەس تۇردە ۇسىنىلعان: 5, 10, 20, 50 جانە 100 گ. كليەنتتەر كوپ جاعدايدا سالماعى 10 گ قۇيمانى ءجيى ساتىپ الادى. ساتۋدىڭ جالپى كولەمىنەن ونىڭ ۇلەسى - 7590 دانا (%27) . ودان كەيىن 5 گرامدىق - 6180 دانا (%22)، 20 گرامدىق - 5 363 دانا (%19) ، 100 گرامدىق - 5908 دانا (%21) ، 50 گرامدىق - 3102 دانا (%11) تۇر.

«قۇيما ساتىپ الۋ بويىنشا وڭىرلەر اراسىندا كوشباسشى - الماتى قالاسى (ساتىلعان قۇيمالاردىڭ جالپى سانىنان %52)، ودان كەيىن - اتىراۋ (%17)، نۇر- سۇلتان (%11) جانە باسقا وڭىرلەر (%20)» دەلىنگەن بانك تاراتقان حابارلامادا.

قازىرگى كەزدە التىن قۇيمالارىن Halyk Bank-تەن، ەۋرازيالىق بانكتەن، J‎san Bank-تەن، بانك سەنتركرەديتتەن، سونداي- اق ايىرباستاۋ پۋنكتىلەرىنەن ساتىپ الۋعا بولادى. التىن قۇيمالارى ينۆەستيتسيالاۋدىڭ سەنىمدى قۇرالى رەتىندە بولۋى مۇمكىن. بانكتەردىڭ جانە ايىرباستاۋ پۋنكتەرىنىڭ كليەنتكە «سول كۇنى» اقشا تولەي وتىرىپ، قۇيمانى كەرى ساتىپ الۋ مۇمكىندىگى - التىن نارىعىنىڭ وتىمدىلىگىن قامتاماسىز ەتۋدىڭ نەگىزگى فاكتورى. 16 - شىلدەدەگى جاعداي بويىنشا التىننىڭ 1 گرامىنىڭ قۇنى - 23980.14 تەڭگە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى