ەپيدەميولوگتار قازاقستاندا كوروناۆيرۋس 2-رەت قاشان ءورشۋى مۇمكىن ەكەنىن ايتتى
دەنساۋلىق ساقتاۋ ءمينيسترى ەلجان بىرتانوۆپەن ۆيدەوكونفەرەنسيا وتكىزگەن ەپيدەميولوگ- عالىمداردىڭ پىكىرىنشە، كوروناۆيرۋس ينفەكسياسى كۇزدە تۇماۋمەن بىرگە قايتا ءورشۋى ىقتيمال. ساراپشىلار وسى سەبەپتى حالىقتىڭ كوبىنە تۇماۋعا قارسى ۆاكسينا جاسالۋى كەرەكتىگىن ايتادى. «ماۋسىمدىق گيپوتەزانى قازىر ەشكىم جوققا شىعارىپ وتىرعان جوق. ماۋسىمدىق جاعدايدا تۇماۋ قاتتى جۇرمەۋى ىقتيمال. تيىسىنشە جازدا ەپيدەميا جالعاسۋى مۇمكىن. كۇزدە دە ول ارى قاراي كەزدەسە بەرەدى»، - دەيدى س. اسپەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ زەرتتەۋ جۇمىستارى بويىنشا پرورەكتورى باۋىرجان ءجۇسىپوۆ.
COVID-19 اۋرۋىن زەرتتەۋ ءۇشىن قازاقستاندىق عالىمدار بيوماتەريالدار بانكىن قۇرۋدى ۇسىنىپ وتىر.
تەلەارنانىڭ حابارلاۋىنشا، قازاقستاندا كوروناۆيرۋس جۇقتىرعانداردى سان جاعىنان التىنشى حاتتامامەن ەمدەۋدە. عالىمدارمەن كەزدەسۋ بارىسىندا مينيستر ۇلتتىق ينفەكسيالىق اۋرۋلار ورتالىعىن قۇرۋ تۋرالى ءسوز قوزعاعان.
اۆتور: ايان بەكەن ۇلى
