بۇرىنعى سەمەي سىناق الاڭىنىڭ اۋماعى 2 ەسە قىسقارادى

 جەر كولەمى 18 مىڭ شارشى شاقىرىمنان اساتىن پوليگون يزرايل، بەلگيا سياقتى مەملەكەتتەردى ەركىن سىيدىرا الادى. قازىرگى كۇنى كەشەندى زەرتتەۋ جۇمىستارى سىناق الاڭىنىڭ 60 پروتسەنتىن قامتىعان، 2 جىلدان سوڭ تولىق اياقتاۋ كوزدەلگەن.

 قازاقستان - الەمدە يادرولىق قارۋدان ءوز ەركىمەن باس تارتقان جالعىز مەملەكەت. ال سەمەي سىناق الاڭى - بۇگىندە ادامزات بالاسى ءۇشىن ىزگى ماقساتتاردى كوزدەيتىن جالعىز پوليگون. ەرلان باتىربەكوۆ، ق ر ۇ ي ا و باس ديرەكتورى:

 - مەنىڭ پايىمداۋىمشا، سەمەي سىناق الاڭى اۋماعى جارتىلاي كىشىرەيەدى. ول جەرلەردى بەيبىت ماقساتتا، حالىق شارۋاشىلىعىنا پايدالانۋعا بولادى دەپ ەسەپتەيمىز. ال قالعان بولىگى ءبىزدىڭ باقىلاۋىمىزدا قالۋى ءتيىس. يادرولىق سىناقتار جاسالعان دەگەلەڭ، اقتامبەرلى سياقتى الاڭدار قورشالىپ، زەرتتەۋ جۇمىستارى جالعاسا بەرەدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى