تۇركىستاندىق ازاماتتار كوپبالالى اناعا 2 بولمەلى ءۇي الىپ بەردى
«نۇر وتان» پارتياسى جانىنداعى «جاس وتان» جاستار قاناتىنىڭ قولداۋىمەن وتكەن شارادا سپورتتىق جارىستار ۇيىمداستىرىلىپ، ەسترادا جۇلدىزدارى ءان شىرقادى، دەپ حابارلايدى قازاقپارات ءتىلشىسى.
بەكزات ساتتارحانوۆ اتىنداعى مولتەك اۋداندا وتكەن جيىندا ءۇش مىڭ ادامعا اس تارقاتىلىپ، اۋىل اقساقالدارى جاستارعا باتا بەردى. سپورتتىڭ تاەكۆوندو، بوكس، كۇرەس، ارقان تارتىس سياقتى تۇرلەرىنەن سايىستار وتكىزىلدى. قازاقتىڭ اقىندىق ونەرىنىڭ ساڭلاقتارى بەكارىس شويبەكوۆ پەن مۇحتار نيازوۆ ونەر كورسەتىپ، شارانىڭ كوركىن قىزدىردى. تانىمال ءانشى ەركىن نۇرجانوۆ پەن وزگە دە جۇلدىزدار كوپشىلىك قاۋىمنىڭ كوڭىلىن كوتەرىپ تاستادى.
ەڭ باستىسى، اۋداننىڭ ءبىر توپ ازاماتتارى مۇگەدەك ساناتىنداعى، كوپبالالى نۇرگۇل جاقىپ ەسىمدى اناعا 2 بولمەلى ءۇيدىڭ كىلتىن تابىستادى.
