الماتىداعى ۇلتتىق عىلىمي حيرۋرگيا ورتالىعىندا 2 مىڭعا جۋىق بىرەگەي وتا جاسالدى

«2018 -جىلدىڭ 11 ايىندا جوعارى تەحنولوگيالىق مەديتسينالىق قىزمەت كورسەتۋ (بۇدان ءارى - ج ت م ق) اياسىندا ا. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ ماماندارى 2 ميلليارد تەڭگەدەن استام سومماعا تەگىن مەديتسينالىق كومەكتىڭ كەپىلدىك بەرىلگەن كولەمى (ت م ك ك ك) شەڭبەرىندە 1959 وتا جاسادى. قازىرگى زامانعى، وزىق تەحنولوگيالاردى قولدانا وتىرىپ، مىناداي بەيىندەر بويىنشا وپەراتسيالار جۇزەگە اسىرىلدى: كارديوحيرۋرگيا، ميكروحيرۋرگيا، ترانسپلانتولوگيا، ينتەرۆەنتسيالىق اريتمولوگيا، گەپاتوبيليارلىق حيرۋرگيا. ەڭ كۇردەلىسى - ءتىرى دونوردىڭ اعزالارىن ترانسپلانتاتسيالاۋ. بۇگىندە ادامداردى تولىققاندى ومىرگە قايتارۋعا كومەكتەسەتىن وسىنداي وتالار سانى جىلدان جىلعا ارتىپ كەلەدى»، - دەلىنگەن حابارلامادا.

جوعارى تەحنولوگيالىق مەديتسينالىق قىزمەتتەر ت م ك ك ك شەڭبەرىندە قازاقستان ازاماتتارىنا تەگىن ۇسىنىلاتىنىن اتاپ وتكەن ءجون. مەملەكەت ەسەبىنەن تولەنەتىن ءبىر وتانىڭ قۇنى 200 مىڭنان 5 ميلليون تەڭگەگە شەيىن جەتەدى. ا. سىزعانوۆ اتىنداعى حيرۋرگيا ورتالىعىنىڭ 69 پايىز پاتسيەنتتەرى باسقا قالالاردان كەلگەن. ولاردىڭ 33,1 پايىز الماتى وبلىسىنىڭ تۇرعىندارى، قىزىلوردا وبلىسىنان - 11,5 پايىز، وڭتۇستىك قازاقستان وبلىسىنان - 7,0 پايىز جانە جامبىل وبلىسىنان - 6,8 پايىز.

ورتالىقتىڭ ءوز بازاسىندا عانا ەمەس، سونىمەن قاتار وڭىرلەردە دە وقىتۋ شەبەرلىك ساباقتارىن وتكىزۋ ارقىلى كادرلىق الەۋەتتى دامىتۋدى جانە تاجىريبەلىك مەديتسيناعا يننوۆاتسيالىق ادىستەردى ەنگىزۋدى جۇزەگە اسىرادى.

وسىنداي كولەمدە ج ت م ق ورىنداۋ حالىققا حيرۋرگيالىق كومەك كورسەتۋدىڭ قولجەتىمدىلىگى مەن ساپاسىن جاقسارتۋعا مۇمكىندىك بەردى. بۇل ناۋقاستارعا شەتەلگە شىقپاي، جەرگىلىكتى جەرلەردە تولىق قىزمەتتى الۋىنا مۇمكىندىك بەرەدى.

 بۇگىنگى تاڭدا، اتالمىش ورتالىقتا 128 دارىگەر جۇمىس جاسايدى، ونىڭ ىشىندە: 11 مەديتسينا عىلىمدارىنىڭ دوكتورى، 22 مەديتسينا عىلىمدارىنىڭ كانديداتى، 26 جوعارى ساناتتى دارىگەر، 35 ءبىرىنشى جانە ەكىنشى ساناتتاعى دارىگەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى