ا ق ش «سولتۇستىك اعىن-2» جوباسىنا قاتىسۋشىلارعا سانكسيا ەنگىزبەك

امەريكالىق Foreign Policy باسىلىمىنىڭ ءوز دەرەككوزدەرىنە سىلتەمە جاساپ حابارلاۋىنشا، اق ءۇي «سولتۇستىك اعىن - 2» قۇبىر جوباسىنا توسقاۋىل قويۋدىڭ باسقا دا جولدارىن قاراستىرعان، ءبىراق پرەزيدەنت اكىمشىلىگىندەگى نەگىزگى تۇلعالاردىڭ كوبى سانكتسيا سالۋدى دۇرىس سانايدى. وسىلاي ويلايتىندار ا ق ش كونگرەسىندە دە كوپ.

ۆاشينگتون مەن شىعىس ەۋروپا ەلدەرىنىڭ كوپشىلىگى رەسەيدەن گەرمانياعا تىكەلەي تاسىمالداناتىن گاز كولەمىن ەكى ەسە ارتتىرۋعا ارنالعان «سولتۇستىك اعىن - 2» قۇبىر جوباسى باتىس ەۋروپانى رەسەيدىڭ تابيعي ەنەرگيا رەسۋرستارىنا تاۋەلدىلىگىن بۇرىنعىدان دا كۇشەيتە تۇسەدى دەپ قاۋىپتەنەدى.

وتكەن اپتادا گەرمانيا سىرتقى ىستەر ءمينيسترى حايكو مااستىڭ ۆاشينگتونعا ساپارى كەزىندە ا ق ش- تىڭ ەۋروپادان كەلەتىن بولات پەن الليۋمينييگە باج الىمىن كوتەرۋ، ا ق ش- تىڭ يرانمەن 2015 شىلدەدە جاسالعان يادرولىق كەلىسىمنەن ءبىرجاقتى تۇردە شىعۋى جانە "سولتۇستىك اعىن - 2" قۇبىر جوباسىنا قاتىستى وتە تارتىستى داۋ وربىگەن.

"سولتۇستىك اعىن-2" قۇبىرى رەسەيدە وندىرىلگەن تابيعي گازدى ۋكراينا مەن پولشا جەرىنەن اينالىپ ءوتىپ، بالتىق تەڭىزىنىڭ تابانى ارقىلى باتىس ەۋروپاعا جەتكىزۋگە ارنالعان.

www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى