سۋ تاسقىنىمەن كۇرەس: ۇكىمەت شىعىس قازاقستانعا 2 ميلليارد تەڭگە بولەدى

بۇل تۋرالى بۇگىن ۇكىمەت وتىرىسىندا پرەمەر- مينيستر باقىتجان ساعىنتايەۆ ايتتى، دەپ حابارلايدى قازاقپارات.

پرەمەر-ءمينيستردىڭ ايتۋىنشا، ۇكىمەت تاراپىنان شىعىس قازاقستان وبلىسىنا قاجەتتى كومەكتىڭ بارلىعى كورسەتىلەتىندىگىن باسا ايتتى.

«دانيال كەنجەتاي ۇلى (شقو اكىمى احمەتوۆ) ءسىزدىڭ جازعان حاتىڭىز كەلىپ ءتۇستى. قوسىمشا قاراجات بولىنەتىن بولادى. كومەك رەتىندە 2 ميلليارد تەڭگە سۇرالدى. باقىت تۇرلىحان ۇلى (قارجى ءمينيسترى سۇلتانوۆ) شەشىمدەردى شۇعىل تۇردە دايىنداڭىز. اسقار ۇزاقباي ۇلى (ۇكىمەت باسشىسىنىڭ ءبىرىنشى ورىنباسارى مامين) جالپى رەسپۋبليكا بويىنشا وسى كۇردەلى جاعداي باقىلاۋىڭىزدا بولسىن»، - دەدى باقىتجان ساعىنتايەۆ.

ال دانيال احمەتوۆتىڭ ايتۋىنشا، بۇگىنگى كۇنى وبلىستىڭ ءتورت اۋدانى اياگوز، گلۋبوكوە، زىريان، شومونايحا مەن سەمەي قالاسىندا تابيعي سيپاتتاعى توتەنشە جاعداي جاريالانعان. بارلىق ماسەلە مەنىڭ تۇراقتى باقىلاۋىمدا. سۋ باسقان جەرلەردە 570 قۇرال-جابدىق جۇمىلدىرىلعان. ارنايى قۇرىلعان كوميسسيا شىعىندى ەسەپتەپ جاتىر. قوعام وكىلدەرىمەن قوسىمشا 3107 ادام تارتىلدى. قازىرگى كەزدە ۇيلەردى قالپىنا كەلتىرۋ، جوندەۋ بويىنش جۇمىس باستالىپ كەتتى. وسىنداي جۇمىستى كۇندەلىكتى اتقارىپ جاتىرمىز»، - دەدى وبلىس باسشىسى.

ونىڭ ايتۋىنشا، زىرياندا سوڭعى 60 جىلدا مۇنداي سۋ تاسقىنى بولماعان. بۇقتىرما وزەنىندە مۇزدىڭ قالىڭدىعى 2 مەترگە جەتكەن.

«قازىر مۇز جارۋ جۇمىستارىن جۇرگىزىپ جاتىرمىز. ءبىراق، بۇگىن اۋا رايى بۇزىلىپ، وسكەمەندە دە، زىرياندا دا قار جاۋىپ جاتىر»، - دەدى دانيال احمەتوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى