قازاقستان ارقىلى 2 ميلليون كونتەينەر وتەتىن بولادى

«2011 -جىلى قازاقستان ارقىلى ەۋروپاعا 1000 كونتەينەر وتكەن بولسا، 2017 - جىلى بۇل كورسەتكىش 201 مىڭعا جەتتى. 7 جىلدا 200 ەسە وسەتىن بيزنەستى كوز الدىڭىزعا ەلەستەتىڭىزشى؟! ءبىزدىڭ بولجامىمىزشا، قىتاي- ەۋروپا باعىتىنداعى ترانزيتتىك جۇك تاسىمالى بيىل ەكى ەسە ارتادى»، - دەيدى سانجار ەلۋبايەۆ.

ول، سونداي- اق مۇنداي قارقىندى وسىمگە قالاي قول جەتكىزىلگەنىن دە ءتۇسىندىردى.

«ترانزيتتىڭ قۇرىلىمىنان، كورشى ەلدەر تەك ءوز ەكونوميكاسىنىڭ ءوسىمى ارقىلى عانا ترانزيتتى ارتتىرىپ وتىرعانىن كورۋگە بولادى. قىتايدان ەۋروپاعا تەڭىز ارقىلى جىلىنا 20-30 ميلليون كونتەينەر جۇك بارادى. دەمەك، ءبىز مۇندا زور الەۋەتكە يەمىز. «نۇرلى جول: ءبىر بەلدەۋ- ءبىر جول» ساياساتىنىڭ ارقاسىندا وسىنداي ناتيجەگە قول جەتكىزىپ وتىرمىز. 2020 -جىلعا قاراي قازاقستان ارقىلى 2 ميلليون كونتەينەر وتەدى دەپ بولجاپ وتىرمىز، ءبىز وعان دايىنبىز»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى