مەكتەپتەردەگى جاڭا باعدارلاما وقۋ ۇلگەرىمىن 2 ەسە ارتتىرادى

«ءاردايىم نازاربايەۆ زياتكەرلىك مەكتەبى باعدارلاماسىنا قاتىستى توقتالعاندا، ادامدار ول جەردە دارىندى بالالار وقيتىنىن جانە وسى باعدارلامانى جالپى مەكتەپتەرگە ەنگىزۋدىڭ قاجەتى قانشا ەكەنىن ايتادى. بۇل تۇرعىدا ايتارىم، نازاربايەۆ زياتكەرلىك مەكتەپتەرى باعدارلاماسى جاڭارتىلعان مازمۇن اياسىندا ءدال سول قالپىندا جالپى ءبىلىم بەرەتىن مەكتەپتەرگە ەنگىزىلمەيدى. ياعني ءبىزدىڭ مەكتەپتەرگە نازاربايەۆ زياتكەرلىك وقۋ ورىندارى تاجىريبەسى مەن ۇستانىمدارى بويىنشا بەيىمدەلگەن باعدارلامالار ەنگىزىلۋدە»، - دەپ توقتالدى ايماعامبەتوۆ.

وسى ورايدا ول جاڭا باعدارلامانى ەنگىزۋدىڭ الدىندا ولار 30 قاناتقاقتى مەكتەپتە اپروباتسيادان وتكەنىن، سونىمەن قاتار 16 باقىلاۋ مەكتەپتەرى بولعانىن ەسكە سالىپ ءوتتى. جۇرگىزىلگەن مونيتورينگ ناتيجەسىندە، جاڭارتىلعان مازمۇن اياسىنداعى باعدارلامالار وقۋ ۇلگەرىمىن ەكى ەسەگە ارتتىرۋعا ىقپال ەتەتىندىگى انىقتالدى. قاناتقاقتى مەكتەپتەر اراسىندا اۋىلدىق ءارى قالالىق ءبىلىم وردالارى بولدى.

ۆيتسە- ءمينيستردىڭ سوزىنە قاراعاندا، قازىرگى كەزدە مەكتەپتەردىڭ 70 پايىزعا جۋىعى جاڭا تۇرلەنگەن كابينەتتەرمەن قامتاماسىز ەتىلدى. بىرنەشە جىل بويى وسىنداي كابينەتتەرمەن ءارى جابدىقتارمەن قامتۋ ءۇشىن ماقساتتى ترانسفەرتتەر بولىنۋدە.

ونىڭ اتاپ وتۋىنشە، مۇعالىمدەردىڭ بىلىكتىلىگىن ارتتىرۋ قادامدارى دا وزگەردى. وسى ورايدا ولار كۋرستاردى جاڭارتىلعان مازمۇنمەن ءوتىپ جاتىر.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى