استاناداعى بۇرىنعى پوليتسيا قىزمەتكەرىنە 2 ميلليون تەڭگە ايىپپۇل سالىندى
استانا قالالىق قىلمىستىق ىزدەستىرۋ پوليتسياسى بولىمشەسىنىڭ ينسپەكتورى ءا. كولىكتىڭ مەملەكەتتىك ءنومىرىن شىعارىپ الىپ، ونى قايتارۋ ءۇشىن اقشالاي سىياقى تالاپ ەتكەن. الايدا جۇرگىزۋشى سىبايلاس جەمقورلىققا قارسى كۇرەس قىزمەتىنە حابارلاسقان.
استانا قالاسىنىڭ 2№ الماتى اۋداندىق سوتىنىڭ ۇكىمىمەن ءا. ق ر ق ك- ءنىڭ 366- بابى، 2- بولىگىندە كورسەتىلگەن قىلمىسقا كىنالى دەپ تانىلىپ، وعان 2 ميلليوننان استام تەڭگە كولەمىندە ايىپپۇل سالىندى. سونداي-اق ول ەندى ءومىر بويى قۇقىق قورعاۋ ورگاندارى مەن مەملەكەتتىك قىزمەتتە ەڭبەك ەتە المايدى.
ۇكىم زاڭدى كۇشىنە ەنگەن جوق.
