قازاقستاننىڭ تالانتتى 2 مىڭ ادامىنىڭ ءتىزىمى بار - ەلباسى

سۇحبات بارىسىندا قازاقستان پرەزيدەنتى ەلىمىزدىڭ تالانتتى 100 تۇلعاسىن تاڭداۋعا قاتىستى پىكىر ءبىلدىردى.

«جاڭا ەسىمدەر بولدى. عاجايىپ جەتىستىكتەرگە جەتكەن جاستار بولدى. 30 جاستاعى ازامات ادامنىڭ قولىن، اياعىن جاسايتىن بيونيكالىق قۇرال جاساپ شىعاردى. ۋنيۆەرسيتەتتىڭ 3-4 كۋرسىندا وقىپ ءجۇرىپ، سونىڭ جەرتولەسىندە جاساعان. سودان كەيىن سىرقاتتان كوزى كورمەي قالعان جاس قىز كومپوزيتور بولىپ، مۋزىكاسىن جازىپ، دۇنيەجۇزىنە بەلگىلى ادامعا اينالدى. قۇلاعى ەستىمەيتىن قىز سۋرەتتەرى ءار جەرلەردە كورسەتىلەتىن سۋرەتشى بولدى. مىنە، ىشىمىزدە وسىنداي تالانتتار بار. 2 مىڭ ادامنىڭ ءتىزىمى بار. ونىڭ ىشىنەن ءجۇزىن تاڭداپ الدىق»، - دەدى ەلباسى.

مەملەكەت باسشىسى دۇنيەجۇزىلىك وقۋلىقتاردى قازاق تىلىنە اۋدارۋ جايىنا دا توقتالدى.

«ەكونوميكا» ءپانىن الار بولساق، «ەكونوميكس» دەگەن وقۋلىق بار. ول قازاق تىلىندە بولماعان. قازىر 18 كىتاپتى قازاق تىلىنە اۋداردىق»، - دەدى نۇرسۇلتان نازاربايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى