زەينەتكەر اۆتوبۋستا 2 مىڭ دوللارى مەن بانك كارتوچكالارىنان ايىرىلىپ قالدى
وبلىستىق ءى ءى د باسپا ءسوز قىزمەتىنىڭ مالىمەتىنشە، زەينەتكەردىڭ پوليتسياعا جازعان ارىزىنان كەيىن ۇرىنى ىزدەستىرۋ جۇمىستارى باستالعان. قاريا قوعامدىق كولىكتە سومكەسىندەگى ءاميانىنان ايىرىلىپ قالعانىن ايتقان. ءامياندا 2 مىڭ ا ق ش دوللارى مەن بانك كارتوچكالارى بولعان.
ءال-فارابي پوليتسيا ءبولىمىنىڭ قىزمەتكەرلەرى جەدەل-ىزدەستىرۋ شارالارىن جۇرگىزۋ ناتيجەسىندە 1972-جىلى تۋعان ايەلدى ۇستادى.
تەرگەۋ بارىسىندا ونىڭ ۇرلىققا قاتىسى بارى راستالدى. ول ءامياندا تابىلعان پين-كود ارقىلى كارتوچكادان 600 مىڭنان استام تەنگەنى دە شەشىپ العان. ۇرلانعان اقشانى ءوز قاجەتتىلىگىنە جۇمساعان. قازىرگى تاڭدا اتالعان فاكتىگە بايلانىستى قىلمىستىق كودەكستىڭ 188-بابى («ۇرلىق») بويىنشا ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە.
كۇدىكتىنىڭ وزگە قىلمىستارعا قاتىستىلىعى انىقتالىپ جاتىر.
