قىزىلوردالىق بالۋان قازاق كۇرەسىنەن 2 دۇركىن الەم چەمپيونى اتاندى - فوتو
جارىسقا 40 مەملەكەتتەن 200 گە جۋىق بالۋان 9 سالماق دارەجەسىندە جۇلدەلەردى ساراپقا سالدى.
ايتۋلى جارىستا قازاقستان قۇراما كومانداسى جاقسى ونەر كورسەتىپ، 6 التىندى يەلەندى. جەرلەسىمىز عالىمجان جارىس بارىسىندا 5 كەزدەسۋ وتكىزىپ، اقتىق سايىستا «بۇك» ادىسىمەن كۋبا سپورتشىسىنان ايلاسىن اسىرىپ، 74 كەلى سالماقتا چەمپيون اتاندى.
ع. ابدراحمانوۆ 1993 -جىلى قارماقشى اۋدانىندا دۇنيەگە كەلگەن. ول قازاق كۇرەسىمەن قاتار سامبو جانە دزيۋدو سپورتىمەن دە شۇعىلدانادى. جەتىستىكتەرىن ايتاتىن بولساق، قازاق كۇرەسىنەن جانە سامبودان ق ر حالىقارالىق دارەجەدەگى سپورت شەبەرى، دزيۋدودان سپورت شەبەرى.
قازاق كۇرەسىنەن 2 مارتە قازاقستان چەمپيونى، بىرنەشە مارتە حالىقارالىق جارىستاردىڭ جەڭىمپازى، بيىلعى جىلى اقتوبەدەگى سامبودان ەل چەمپيونى، تاشكەنت قالاسىنداعى ازيا چەمپيوناتىنىڭ قولا جۇلدەگەرى، اشحاباد قالاسىنداعى ازيا ويىندارىنىڭ قولا جۇلدەگەرى، استاناداعى ەلباسىنىڭ جۇلدەسى ءۇشىن وتكەن الەم كۋبوگىنىڭ جەڭىمپازى اتانعان. سونداي-اق، 2015 -جىلعى رەسەيدەگى قازاق كۇرەسىنەن الەم چەمپيونى.
سپورتشى وبلىستىق جوعارى سپورت شەبەرلىگى مەكتەبىندە ءتالىم السا، قارماقشى اۋدانىنداعى سپورت كلۋبتا نۇسقاۋشى قىزمەتىن اتقارادى.
باپكەرلەرى بولات كەنەيەۆ جانە ادىلبەك سەرىكبايەۆتىڭ ايتۋىنشا، ول قاراشا ايىنىڭ ورتاسىندا سوچي قالاسىندا سامبودان بولاتىن الەم چەمپيوناتىنا قاتىسادى.
