ءومىرىڭىزدى وزگەرتەتىن 2 مينۋت
ال، بۇل ماقالانى وقىپ بار بولعانى 2 مينۋت ۋاقىتىڭىزدى جۇمسايسىز دا، ءىس- ارەكەتكە كوشۋگە تالپىناسىز.
باقىت
مەن باقىتسىزبىن. ومىرىڭىزگە وزگەرىس ەنگىزىڭىز نەمەسە ءوزىڭىز وزگەرىڭىز. نەنى وزگەرتۋ كەرەك؟ نە قالايسىز، سونى. قايسىسى ىڭعايىڭىزعا كەلەدى، سودان باستاڭىز.
مەنىڭ باسىم اينالادى. تەرەڭ تىنىستاڭىز. ەڭ اۋەلى نە نارسەگە كۇشىڭىز جەتەدى، سونى وزگەرتۋگە ارەكەت جاساڭىز. مۇمكىن باقىتتىڭ باستى سەبەبى اقشادا شىعار. يا، ءبىراق بەلگىلى ءبىر دەڭگەيدە عانا.
ۋاقىت
مەنىڭ ۋاقىتىم ەشتەڭەگە جەتپەيدى. دەمەك، ءسىزدىڭ قۇرعان جوسپارىڭىز دۇرىس ەمەس. بارىنە ۇلگەرگىم كەلەدى. از- ازدان جاساڭىز، كوبىرەك "جوق" دەڭىز. مەن مۇنى ىستەۋگە مىندەتتىمىن. ەگەر بىرەۋ قانداي دا ءبىر ۇسىنىس ءبىلدىرىپ، وعان ونشا ىڭعاي تانىتقىڭىز كەلمەسە كوڭىلگە قاراماي- اق "جوق" دەۋدى ۇيرەنىڭىز. ەگەر مەن "جوق" دەپ ايتسام رەنجىپ قالادى.. . ول سىزگە بايلانىستى ەمەس. وزگەنىڭ ىسىنە ۋاقىت قۇرتقاننان گورى "جوق" دەپ كەسىپ ايتقان دۇرىس.
ءبىراق قازىر وڭتايلى ءسات ەمەس. وڭتايلى ءسات ەشقاشان بولمايدى. ەگەر كۇتە بەرسەڭىز، ەشتەڭە ىستەي المايسىز. كەيىن ارەكەت ەتپەگەنىڭىز ءۇشىن ءوزىڭىزدى جازعىراتىن بولاسىز.
قارىم- قاتىناس
جاقسى اسەر العانىن قالاي بىلەم؟ كوزىنە تۋرا قاراڭىز. كۇلىمسىرەڭىز. اقىرىن عانا سويلەڭىز. وزىڭىزگە سەنىمدى بولىڭىز. ادەمى كيىنىڭىز.
ونى كەزدەسۋگە شاقىرسام بولا ما؟ ءيا! ەگەر كەزدەسۋدەن باس تارتسا شە؟ ەڭ ءبىرىنشى شاقىرىپ كورىڭىز. باس تارتسا شاقىرماعانىڭىزعا وكىنبەيتىن بولاسىز.
ءبىزدىڭ ارا- قاتىناسىمىز وتە كۇردەلى. قول ءۇزىڭىز. ءدال ونداي ادامدى ەندى ەشقاشان كەزدەستىرمەۋىم مۇمكىن عوي.. . بالكىم، ودان دا جاقسى ادامدى كەزدەستىرىپ قالۋىڭىز مۇمكىن.
مەنى تاستاپ كەتتى. جۇرەگىم جارالى. ءبىراق ءالى سوعىپ تۇر عوي. دەمەك، ءبارى بىتكەن جوق. ەندى نە ىستەيمىن؟ بارلىعى قيىن. ول تۇسىنىكتى. ەگەر وپ- وڭاي بولسا، بارلىق ادام باياعىدا- اق باقىتتى بولماي ما؟
ءبىراق مەنىڭ قولىمنان كەلمەيدى.. . ءوزىڭىزدى جازعىرۋدى دوعارىڭىز. ءبارى سولاي دەيدى. بۇل ماعان كومەكتەسپەيدى. جارايدى. قازىر قالاي ءومىر ءسۇرىپ جاتسىز، سولاي جالعاستىرىڭىز.
الايدا بۇگىنگى ومىرىمە كوڭىلىم تولمايدى. ەگەر ءبىر نارسەنى قايتالاي بەرسەڭىز ەشقاشان جاقسى ناتيجە شىقپايدى. ءبىز نە وسەمىز، نە وشەمىز. سوندا قاشان باستاۋىم كەرەك؟ ءدال قازىر.
Massaget.kz
