الاكول ءبىر ماۋسىمدا 2 ميلليون تۋريست قابىلداي الادى - باقىتجان ساعىنتايەۆ

«ەگەر قاتەلەسپەسەم، مامىردا الاكول پانسيوناتى قوناقتاردى قابىلداۋعا دايىن ەمەستىگىن ايتقان بولاتىنسىز. قازىرگى جاعداي قالاي قالىپتاسىپ وتىر؟»، - دەپ سۇرادى پرەمەر- مينيستر باقىتجان ساعىنتايەۆ  ش ق و اكىمىنە قاراتىپ ايتقان سوزىندە.

 اكىمنىڭ ايتۋىنشا، الاكول اۋماعىندا تۋريستىك كلاستەردى دامىتۋعا بۇگىندە قوماقتى قارجى ءبولىندى.

«الاكولگە جاقىندا ەكى رەت باردىم. ول جەردە 147 نىسان بار. ءبىز ءتيىستى مەموراندۋمعا قول قويىپ، وعان سايكەس 550 ميلليون تەڭگە ينفراقۇرلىمدى قۇرۋعا ءبولىندى. وسى ورايدا جۇمىستار اتقارىلىپ، ول جەردەگى جاعداي وزگەردى. 147 نىساننىڭ ىشىندە قازىرگى كەزدە 82- سى دايىن تۇر، ال 38 نىساندا قاجەتتى جۇمىستار ءجۇرىپ جاتىر. وكىنىشكە قاراي، 24 نىساندا ەشقانداي جۇمىستار جۇرگىزىلمەۋدە. بۇگىندە دايىندىعى جوق نىسانداردىڭ بارلىعى كاسىپكەرلىك قىزمەتتى جۇرگىزۋگە رۇقساتتى المايدى. تاياۋ ارادا اتالعان جەرگە تاعى دا بارىپ، شەشىلمەگەن ماسەلەلەردى قاراستىراتىن بولامىز. اتاپ وتكەندەي، 550 ميلليون تەڭگە اباتتاندىرۋ مەن كوركەيتۋ جۇمىستارىنا قاراستىرىلدى، سونداي- اق 1,4 ميلليارد تەڭگەگە جولدىڭ قۇرىلىسىن ىسكە اسىرۋدامىز»، - دەپ ءتۇسىندىردى د. احمەتوۆ.

 ءوز كەزەگىندە ب. ساعىنتايەۆ الاكولدىك تۋريستىك الەۋەتى جوعارى ەكەنىن ايتا كەلە، «ءبىر ماۋسىمدا كول 2 ميلليون تۋريستى قابىلداي الادى، سوندىقتان ، بارلىق مۇمكىندىكتى پايدالانا ءبىلۋ كەرەك. ەگەر دە قاجەت بولسا، ينفراقۇرىلىمدىق جاعىنان قولداۋ جاسايمىز. سول جەردەگى كاسىپكەرلەر قىزمەتتەرىن جوعارى دەڭگەيدە كورسەتۋى قاجەت. ياعني سانيتارلىق جانە وزگە دە نورمالار قاتاڭ ساقتالۋى ءتيىس»، - دەپ تۇيىندەدى ءسوزىن ۇكىمەت باسشىسى.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى