استانادا رۇقسات ەتىلمەگەن جەرگە قوقىس توككەندەرگە 2 ميلليون تەڭگە ايىپپۇل سالىندى
شارا ەكسپو حالىقارالىق كورمەسى قارساڭىندا «ەلورداداعى قاۋىپسىزدىك پەن جايلىلىق» كەشەندى جوسپارى بويىنشا جۇرگىزىلۋدە. جەرگىلىكتى پوليتسيا قىزمەتىنىڭ حابارلاۋىنشا، جىل باسىنان بەرى ق ر ا ق ب ت ك 505-بابى «قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ، سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ، جاسىل ەكپەلەرىن جويۋ جانە ءبۇلدىرۋ» بويىنشا بەلگىلەنبەگەن جەرگە قار، قوقىس شىعارعان، لاس سۇيىقتىقتاردى توككەن شامامەن 95 جۇرگىزۋشى اكىمشىلىك جاۋاپكەرشىلىككە تارتىلدى. قوقىس توككەندەرگە جيىنى 2 ميلليون تەڭگە ايىپ سالىندى.
سونىمەن قاتار، 24 -ساۋىردە الماتى اۋداندىق ءىىد جپق تابيعاتتى قورعاۋ پوليتسياسى قىزمەتى بەلگىلەنبەگەن ورىندا قوقىس توككەن «گازەل» اۆتوكولىگىنىڭ جۇرگىزۋشىسىن ۇستادى. اباتتاندىرۋ ەرەجەلەرىن بۇزعانى ءۇشىن جۇرگىزۋشىگە 20 ا ە ك (45380 تەڭگە) مولشەرىندە ايىپپۇل سالىندى.
